蕉徑休閒村

营业中

休息中

今日同亚女去咗安圃村𠮶边探亲戚，走嘅时候，亲戚介绍仲间cafe比我，话系附近，𠮶度种咗好多好靓嘅植物，仲有好多宠物会去架。亚囡一听到话有宠物，就话要去，好啦！放假去吓郊外享受一下大自然，都系唔错嘅选择。系安圃村搭巴士3个站就到喇！方便！落咗车大约行8分钟，都好容易揾。入面真系有好多植物，有鱼池，仲有3只好乖嘅狗狗添呀！可以坐室内或室外，但而家天气咁热，紧系要坐室内凉吓冷气啦！我哋叫咗一个沙律🥗、1碗面、1个咖喱、2个甜品🍮、2杯果汁。香草有机农场沙律 $58啲水果好新鲜呀！有苹果、新鲜菠萝、西芹、青瓜、紫洋葱、什菜，再配搭黑醋，沙律菜同水果非常鲜甜👍👍。雪梨红萝卜汁/菠萝椰奶 $39炎炎夏日，饮杯新鲜打出嚟嘅果汁🍹，真系透心凉😍。特浓鲜茄封门牛柳担担面 $98店员话可以走辣，因为同阿女食，所以我就走辣，不过我觉得如果你可以食到辣嘅，有啲辣味会更加惹味。咖喱牛肉配法包 $98好钟意呢个咖喱，有少少辣，牛肉用咗牛肋肉，好淋，咖喱配搭埋法包🥖，very good!必食自家芝士cake/ 日式焦糖布丁 $48我食𠮶个系柠檬芝士冻饼，好有清新嘅柠檬味。亚女食日式焦糖布丁，唔会太甜。