胡椒仔

营业中

休息中

餐厅虽然位置偏僻，但星期五晚上7点半居然几乎爆场😯。晚市菜式选择甚多，有D似茶记，但却提供特色咖啡，而且职员有礼貎，唔系茶记FEEL。胡椒猪肚鸡煲 $198餐厅最出名就系呢款鸡煲，大大煲、热辣辣，饮完成个人即时暖哂😋。配料除左三大主角(胡椒、猪肚、鸡)外，仲有原粒蒜头、杂菇、支竹、似酸菜嘅菜，我地4个，每人可以饮到两碗汤。猪肚无怪味，但未到弹牙，不过不失。小炒王 $108炒得够干身，碟底唔会一堆油。虾干、白饭鱼炸过再炒，后者脆口；另有脆腰果、无乜味嘅鱿鱼；调味适中，略嫌有D韭菜花有渣。椒盐鲜鱿 $108呢个最唔好食、最唔抵、最唔值得叫😥。首先分量少，鱿鱼软奶奶、唔弹牙、无鱿味；炸皮亦唔系平时见开果D，完全唔脆。性价比超低，好后悔叫左佢😫。XO酱猪扒炒面 $55落柯打之前问左职员系用咩面底，职员明确表示系豉油皇炒面底，所以即刻叫左碟。点知上枱果阵系公仔面底😶对于唔食公仔面嘅我地当场呆左😂 好彩上枱同落单系同一位职员，佢即刻收起，叫厨房再炒过!!👍炒面干身有炒气，面同猪扒份量都唔少!! 猪扒厚身，但略嫌无乜调味。餐厅无加一，4款小菜合共$469，可以用电子付款，甚至AE都得。