影片
更多
2012-06-09
51 浏览
4月4日, 今日一朝早去咗荃湾拜山, 拜完嘅时候刚好午饭时间, 一家人行咗去荃湾𠮶d广场区, 揾下揾下嚟到呢间上海婆婆, 又啱屋企人食, 等咗一阵位就入得~::: 鸡丝水晶粉皮 ::: $52要先赞系个鸡丝粉皮嘅麻酱, 味道浓郁而且绝不手软咁俾得好足, 可以捞得晒个粉皮~ 粉皮都几干爽, 容易咬得开, 香味亦有~ 捞埋个麻酱食更加好味, 芝麻味香浓, 冻冻地直头开胃~ 唯一不足系鸡丝份量比较少, 冇乜鸡味而又俾麻酱抢晒味.::: 小笼包 ::: $28成笼小笼包上枱嘅时候喷晒烟, 非常热辣辣, 一定要衬热食~ 垫住包底嘅系一片薄薄嘅脆肉瓜片, 令个包唔会黐底之余又可以保持水份! 外皮又唔会好厚, 但系个外皮又唔会爆~ 一夹起已经感觉到d肉汁喺里面啷下啷下, 一咬落肉汁有锁住, 加上里面𠮶旧猪肉唔会嚡, 同个肉汁好衬. 中上水准嘅小笼包唔易遇到~ 好好食~::: 生煎锅贴 ::: $26锅贴出乎意料之外都有浓浓嘅肉汁喺里面! 一不为意咬开咁就俾d澎湃肉汁吓亲~ 个外皮比小笼包嘅厚, 煎得㶶㶶地香得嚟亦好有质感, 内里猪肉馅较为实咗d, 但系个肉味依然在~ 虽然$26只有3件不过都食得过~
::: 鸡丝水晶粉皮 ::: $52
要先赞系个鸡丝粉皮嘅麻酱, 味道浓郁而且绝不手软咁俾得好足, 可以捞得晒个粉皮~ 粉皮都几干爽, 容易咬得开, 香味亦有~ 捞埋个麻酱食更加好味, 芝麻味香浓, 冻冻地直头开胃~ 唯一不足系鸡丝份量比较少, 冇乜鸡味而又俾麻酱抢晒味.
::: 小笼包 ::: $28
成笼小笼包上枱嘅时候喷晒烟, 非常热辣辣, 一定要衬热食~ 垫住包底嘅系一片薄薄嘅脆肉瓜片, 令个包唔会黐底之余又可以保持水份! 外皮又唔会好厚, 但系个外皮又唔会爆~ 一夹起已经感觉到d肉汁喺里面啷下啷下, 一咬落肉汁有锁住, 加上里面𠮶旧猪肉唔会嚡, 同个肉汁好衬. 中上水准嘅小笼包唔易遇到~ 好好食~
::: 生煎锅贴 ::: $26
锅贴出乎意料之外都有浓浓嘅肉汁喺里面! 一不为意咬开咁就俾d澎湃肉汁吓亲~ 个外皮比小笼包嘅厚, 煎得㶶㶶地香得嚟亦好有质感, 内里猪肉馅较为实咗d, 但系个肉味依然在~ 虽然$26只有3件不过都食得过~
::: 婆婆粗炒 ::: $55
即系上海粗炒, 亦都冇加d咩特别料~ 味道好重豉油味, 每一条面都食到似系过盛嘅豉油, 以致食到尾个碟底都好油… 但系味道都算系ok, 面条都几弹牙, 椰菜肉丝冬菇料都好足, 如果豉油落番少d就会好d~
::: 排骨汤面 ::: $36
排骨外皮炸到金黄色, 因为沾咗粉先炸, 所以十分香脆, 炸到连骨都脆埋! 汤面个面底用上幼面, 口感虽然唔系好丰富, 但系佢幼得嚟都几弹牙~ 汤底颇清淡, 应该唔系用上味精汤, 都几健康下~
::: 干葱牛肉捞面 ::: $42
呢个捞面就系咁多样之中最好食嘅~ 个汁就有少少似粗炒个汁, 不过唔同系佢又有d似卤水汁, 而汁同面分开, 可以就番自己喜好去捞~ 干葱好香, 除咗令到个面生色不少之外, 亦令本身肉地软嫩嘅牛肉丝更惹味, ~
::: 黄金南瓜饼 ::: $30
以为系扁挞挞𠮶d豆沙饼咁, 原来佢个样似高力豆沙咁圆碌碌~ 不过就系烟韧软糯版! 食到南瓜肉丝丝纤维, 不过南瓜味就唔太食得出, 只系食到少少甜味. 以甜品嚟讲甜度未算好够, 但系感觉上比一般甜品健康, 以我口味都算唔错~
呢度嘅食物以包饺嘅质素最高, 其余炒野就比较油咗d~ 都好少喺其他上海食店食到呢个质素嘅小笼包, 真系几啱我口味~ 但系睇下佢嘅分店大多都开喺新界, 我地住喺港岛就唔会山长水远去食.
张贴
