上海飽餃店

营业中

休息中

有得堂食又有得外卖，好似叫外卖平啲(?)，外卖姨姨好nice，推荐我食乜嘢，又好有耐心等我谂食乜嘢。*小笼包(4只)小笼包每一只都包得好靓，一盒四只，每一只都完整冇烂。小笼包皮偏厚，对我来讲系一个意外嘅发现，皮厚搭馅食好有口感，好可惜冻咗有少少硬。猪肉馅料非常足料，唔会太过油腻，仲好juicy。生煎饺 单只外卖生煎饺同样皮厚，烟韧香软，冇生煎嘅脆外皮，但依然有果种焦香。馅料好多，非常足料，有菜又有肉，口感满分，仲可以单只买添。葱油大饼 $9听讲呢度嘅葱油大饼好出色，一定要买嚟试。葱油大饼一定油，但食完唔会太滞太腻，葱油香味偏淡，食落面粉香多过葱油香，胜在葱粒好多，弥补番淡葱油味。菜肉包 $8第二朝即刻买菜肉包食，热辣辣嘅菜肉包。包身松软，香喷喷，近馅料嘅包身过湿，口感欠佳。馅料肉菜半半，猪肉扎实+菜甜，有口感又带肉汁，但馅料偏少。仲买咗一杯冻豆浆($6)，豆味普通，唔会太甜。