上海美華菜館 (已結業)

這間上海老舖已幫襯咗二十幾年，由細細個食到現在，無裝修可言，但簡單光猛，整整齊齊。 食物選擇頗多，客飯餸大大碟，飯也有兩碗。 小籠飽雖然皮厚，但食落唔硬，肉汁鮮甜肉嫩多汁。 銀絲卷好食得無嘢講。 嫩雞餵米線，料多湯底正，用魚湯製作，絕不馬虎! 酸辣湯亦相當唔錯，酸辣味道夠分明。 賣相唔夠精緻靚靚，粗枝大葉d，但我喜歡佢實而不華，有上海家庭媽媽煮小菜嘅感覺，好似好似我嘅外婆煮 (外婆已經不在，佢係上海人呢!)價錢經濟又實胃，難怪長期有坐上客，而且門口有頗多錶位，非常方便揸車去。