上海小籠皇

营业中

休息中

系波鞋街买完鞋，好挂住川辣皇嘅酸菜鱼，当然要去食啦！行入舖头坐低望下餐牌唔同咗，连舖名都唔同，多咗好多上海菜式，正正正！可以同啲唔食辣嘅朋友黎啦～熟面口嘅店员姐姐上前招呼，改铺名为咗提供更多口味嘅食物俾客人选择，上海菜联乘川菜，有辣有唔辣。需然铺名改咗，但制作团队无变，川辣皇受欢迎的菜式依然有售：干锅，酸菜鱼，水煮鱼，麻辣鱼皮等等。仲有午市套餐，下午茶餐，睌市套餐，全日套餐。咁多选择，真系好多野都想试想食，点咗最爱嘅酸菜鱼，酸辣汤面，咸肉津白，冰镇话梅骨，韮王炒鳝糊，当然唔少得我最爱嘅津露乌龙茶啦～花雕醉鸡嫩滑，酒味适中，唔会苦。酸菜鱼味道依旧好味，鱼又滑，份量十足。酸辣汤面好多配料，酸辣比例刚刚好，若然味道再浓啲更合我口味。咸肉津白清淡又带点咸香，不错。冰镇话梅骨酸酸甜甜好醒胃，食完一件接一件。韮王炒鳝糊够镬气，韮王脆口唔老。哗～真系好饱饱，离开前见到上海排骨面做紧优惠价，超抵食，下次再黎试。