上海廳1930 (已結業)

今日心血来潮想食中菜，但得2个人惊叫唔到好多送，个Frd 就介绍上海厅，因为有lunch set 叫，仲有得拣唔同小食，好抵玩！我同Frd 一人叫左一款面食，再拣2款小食share。我拣左担担面，好香花生麻酱味，而且唔会太辣，好开胃，而且仲有少少花生碎，系好足料既汤底。试左个Frd 叫既云吞面，粒云吞好大粒，一样都好足料，虽然系清汤但啲面都好入味。2个面既份量都好大，我地2个食完都已经7成饱。仲有2个小食，分别系小笼包同葱油饼。Total 有4粒小笼包，以$60几蚊既餐有咁多野真系好抵。小笼包唔会干，啲皮好薄，入面好多肉汁，一定要用𡙡盛住食。另外葱油饼好香口，应该系新鲜炸出黎。我地每人加左$5 转饮冻豆浆，好滑唔会太甜。虽然食完小食已经9成饱，但女仔食甜品系有第2个胃，我地忍唔住加左个酒酿丸子做甜品。 啲小丸子好弹牙，糖水好香桂花味，感觉好fresh。2个人lunch $150 有找就食到咁多样野真系十分满足，下次带屋企人黎试下先。