日喜樓 (已結業)

环境5分：高级上海菜格局，有D小古董摆设，有大房，有梳化位，空间感充足，可以畀五分。卫生5分：虽然感觉上似新派，但入面都非常之光猛。用电子屏幕做餐牌，非常之环保，唔会浪费纸张，又够卫生，加上Ｄ碗筷新净，畀佢五分。服务5分： 服务员快手快脚，态度好，唔啰唆，满分。味道4分：1)      葱油拌海蜇食落非常之爽口，点埋提供嘅芥辣就非常开胃。2)      清炒虾仁每一只虾仁都大大粒，非常晶莹通透。厨师清理得非常干净，好新鲜好弹牙。3)      干煸四季豆有少少辣，非常惹味，有好多肉碎粒，送饭一流。4)      鸡煨面上到枱热辣辣，鸡粒都唔少，碗面非常之淋，唔使点咬都吞到，Ｄ汤就好有味，但系食完唔会口渴，真材实料。5)      半只自家制油淋鸡个鸡皮好脆，不过Ｄ鸡肉就鞋左少少，要扣佢一分。6)      四喜临门有四只唔同味道嘅小笼包，个look可能有D怪，但每只都皮够薄，入面又够多汤汁，Ｄ料又好软淋，果Ｄ特别口味又唔会话好重口味，非常清新。抵食4分：平均三旧水食精致上海菜都算正常，可以畀四分。