影片
更多
2022-07-24
1138 浏览
陪朋友去「YM² 裕民坊」选购太阳眼镜，之后一齐食晏。由友人带路，嚟左崇仁街呢间以红砖、白纱帘作门面嘅食肆「上海荣华川菜馆」。唔好睇佢店面细细，地方不大，一派街坊格局，原来系一间有超过四十多年历史嘅老店，而且仲要系米芝莲优质推介食府之一。👍🏽👍🏽我哋点左个二人餐 ($258)，套餐包两款小菜、一款汤羹、两客白饭同八宝茶两盅。小菜拣左糖醋排骨同韭黄鳝糊。糖醋骨用上腩排炮制，食落肉质好酥香，松而不韧。糖醋汁嘅味道亦调校得啱啱好，入口酸酸甜甜，超级开胃。另外呢碟韭黄鳝糊 (+$38) 制作亦唔马虎，选用传统浓油赤酱，加入芡汁同韭黄炒香。鳝肉腻糯又不失弹性，加上条条都均匀地沾满了酱汁，用嚟送饭真系一流！汤羹选了云吞鸡 (+$40)，云吞鸡以砂锅盛上，用料十足。云吞大大粒，内馅用上猪肉和蔬菜制成，蔬菜嘅清甜中和左猪肉嘅油腻，咬落去超有口感，皮薄馅靓。鸡件肉质嫩滑多汁，一点也不柴，而且份量亦不欺场，加上汤底清澈鲜甜，入口温润顺喉，饮完亦唔会觉得口干，美味。最后饮埋杯八宝茶，内有菊花、杞子、莲子芯、果皮、龙眼肉等等，入口甜甜地，味道温和，用嚟润喉很不错，为今餐划上完美句号。
陪朋友去「YM² 裕民坊」选购太阳眼镜，之后一齐食晏。由友人带路，嚟左崇仁街呢间以红砖、白纱帘作门面嘅食肆「上海荣华川菜馆」。
唔好睇佢店面细细，地方不大，一派街坊格局，原来系一间有超过四十多年历史嘅老店，而且仲要系米芝莲优质推介食府之一。👍🏽👍🏽
我哋点左个二人餐 ($258)，套餐包两款小菜、一款汤羹、两客白饭同八宝茶两盅。
小菜拣左糖醋排骨同韭黄鳝糊。糖醋骨用上腩排炮制，食落肉质好酥香，松而不韧。糖醋汁嘅味道亦调校得啱啱好，入口酸酸甜甜，超级开胃。
另外呢碟韭黄鳝糊 (+$38) 制作亦唔马虎，选用传统浓油赤酱，加入芡汁同韭黄炒香。鳝肉腻糯又不失弹性，加上条条都均匀地沾满了酱汁，用嚟送饭真系一流！
汤羹选了云吞鸡 (+$40)，云吞鸡以砂锅盛上，用料十足。云吞大大粒，内馅用上猪肉和蔬菜制成，蔬菜嘅清甜中和左猪肉嘅油腻，咬落去超有口感，皮薄馅靓。
鸡件肉质嫩滑多汁，一点也不柴，而且份量亦不欺场，加上汤底清澈鲜甜，入口温润顺喉，饮完亦唔会觉得口干，美味。
最后饮埋杯八宝茶，内有菊花、杞子、莲子芯、果皮、龙眼肉等等，入口甜甜地，味道温和，用嚟润喉很不错，为今餐划上完美句号。
张贴
