影片
更多
2011-08-12
185 浏览
其实早年几前妈咪同班姊妹已经黎过绿杨邨食，可惜当时所有招牌上海𩠌都叫人失望，所以ＸＯ仔都费事哂弹药去试！不过，最近有不少传言话绿杨邨转左人打理，食物质素大大改进，所以家中冇饭开𠮶日就叫左uncle请我黎食。实在太耐冇黎世贸啦，原来上11楼必先上电梯，然后再转「车立」。个「车立」都好奇怪架，因为虽然「车立」门紧闭，但无端端会停喺唔应该停𠮶几层度，好似塞车咁。上到去先知装修以绿色为主既绿杨邨占用哂全层，只系分开左两边坐。入面高人一等既皮櫈式卡位，睇黎应该几舒服。不过吸引倒我地注意力既系接待处既六月黄广告牌同透明雪柜内既蟹！𠮶晚既小聚，Uncle真系算唔话得，安排我地喺间房度，有私人空间又唔洗咁嘈。除左请我地食六月黄，我地当晚食既其中几味都要一早预订，诚意十足。见我有本笔记，每道𩠌上枱时，带有上海口音既何经理更会同大家详细介绍，感激感激！餐厅非常之有文化，𩠌菜续样黎，唔会一窝蜂咁上哂枱；见倒有不洁既餐具会即时自动自觉换走，完全不需提点；小肥对当晚咁细心体贴既服务无可挑剔。 美学编第一章之宫廷富贵花（$60）：依款酸酸甜甜既萝卜前菜，好多中菜馆都会有，不过一定冇绿杨邨既师傅咁花心思去制作！平时
实在太耐冇黎世贸啦，原来上11楼必先上电梯，然后再转「车立」。个「车立」都好奇怪架，因为虽然「车立」门紧闭，但无端端会停喺唔应该停𠮶几层度，好似塞车咁。上到去先知装修以绿色为主既绿杨邨占用哂全层，只系分开左两边坐。入面高人一等既皮櫈式卡位，睇黎应该几舒服。不过吸引倒我地注意力既系接待处既六月黄广告牌同透明雪柜内既蟹！
𠮶晚既小聚，Uncle真系算唔话得，安排我地喺间房度，有私人空间又唔洗咁嘈。除左请我地食六月黄，我地当晚食既其中几味都要一早预订，诚意十足。见我有本笔记，每道𩠌上枱时，带有上海口音既何经理更会同大家详细介绍，感激感激！餐厅非常之有文化，𩠌菜续样黎，唔会一窝蜂咁上哂枱；见倒有不洁既餐具会即时自动自觉换走，完全不需提点；小肥对当晚咁细心体贴既服务无可挑剔。
美学编第一章之宫廷富贵花（$60）：依款酸酸甜甜既萝卜前菜，好多中菜馆都会有，不过一定冇绿杨邨既师傅咁花心思去制作！平时𠮶Ｄ中餐厅会放一细碟样子不讨好，白色橙色既条状甜酸菜喺枱，再以神不知鬼不觉既手法自动加$30上张单度；绿杨邨就名正言顺得多，以$60放左依朵咁靓既花上个餐牌度，令客人有权选择。唔计份量，净系欣赏倒精湛既刀法都已经值回票价啦！师傅张萝卜切成薄片，卷上红色既椒丝，再砌成一朵花，富贵吉祥，令到从来唔食酸菜既ＸＯ仔都食左好多！虽则有椒丝，但一Ｄ都唔辣；萝卜爽脆，酸甜既味道醒胃提神，视觉效果亦增添食欲，必吃前菜推介也！
美学编第二章之招牌丁香鸡（$95）：唔知大家有冇留意倒，鸡肉底既青瓜片系砌成梨既形状，好衬之前既富贵花！盐味浓烈但唔过火既白切鸡，一D肥膏都冇，妙！鸡肉唔嚡，连同滑嘟嘟既鸡皮食，再以主角既丁香汁点缀，好清新既冷盘！
美学编第三章之文思豆腐羮（$45）：何经理介绍既时候，解释话依款豆腐羮，师傅系用百福豆腐切成细细条，再以一朵花既形状散喺个碗入面。汤中黑色既发菜居然比豆腐丝还粗；幼如发丝既豆腐令大家深深感受到师傅细腻既刀功，不得不拍手赞佩！豆腐入口即溶，但仍可尝到豆腐既嫩滑感，非常精彩！妈妈劲赞个汤底尤其出色，火腿味道香浓不浊，而且芡汁唔会过火，冇一旧旧或水汪汪既情形。文思豆腐羮系ＸＯ仔食过最好味既豆腐羮，重点推介！
酥炸千里香：爸爸话喺餐牌度见倒有臭豆腐食，我揾极都揾唔倒，所以大家都以为手持既餐牌有分别；点知原来系ＸＯ仔见识浅薄，唔知道臭豆腐又名「千里香」！唔受得既人都会觉得阵「香」味好难顶；妈妈不断打喷嚏既同时，豆腐迷爸爸只懂得赞赏臭豆腐适中既大小，香口既脆皮，同热嫩既豆腐心。
美学编第四章之酱炒六月黄年糕：一入门口，已经见倒绿杨邨推介紧六月黄。好多时广告既相都会比较夸张，不过今次因为自己亲眼见识过，成碟𩠌居然可以砌返只蟹咁样，重影埋相，可以话比大家听实物真系好坚；似乎小弟既拍摄技巧比佢地广告更出色bor！细细只既六月黄冇乜肉，但胜在膏多，蟹fans既表弟同妈咪食到津津有味，劲赞Ｄ膏鲜甜无比。同枱如果有人唔食蟹唔紧要，因为蟹底既年糕好入味，我地食到只碟干干净净。（如果冇听错，六月黄应该食到中秋前。）
芹香桂鱼丝（$120）：因为依碟𩠌味道比六月黄淡，建议食蟹前上。去左骨既桂鱼丝算嫩滑，不过桂鱼本身鱼味唔浓，所以用芹菜炒就更加容易被芹菜盖过左阵鱼味，只可以话系正常既一味。厨学编之清炖狮子头（$38/位）：好多时去上海餐馆，佢地既狮子头，锅贴，小笼包，生煎包，各款入面既猪肉馅都系一样既，只系个外层有所不同，而冇皮既狮子头多数都系最嚡既一味。今次真系要赞扬一下绿杨邨既狮子头，因为肉质松软嫩滑，完全唔似我地喺出面食开𠮶Ｄ又干又实既巨型猪肉丸！据何经理所讲，要造出依个效果，关键在于猪肉唔系剁碎既；师傅既秘诀系张猪肉先切成粒粒，再慢慢啪松，直至起胶为止，似乎少Ｄ手力或耐性都唔得。中国厨艺，真叫人咆哮推介！
嫩鸡煨面（$43）：鸡肉冇丁香鸡Ｄ咁正，不过个煨面就够哂腍滑，汤底亦好香浓。灌汤小笼包（$45/五件）：同枱每一个有份食既人反应都唔同。爸爸觉得个皮较厚，表弟就话整体好正常，小笼包皇既ＸＯ就好啱食。小弟认为个皮唔系特别厚，完全可以接受；猪肉都好滑；包内既汤份量足；味道又教得甜咸适中。
担担面（$40）：面条弹牙，汤底味道教得好好，唔会话太多花生或芝麻酱，而且因为辣油另上，自己可以控制辣度，表弟话"like"。
姜汁荳脑：爸爸同我真系大乡里，要妈咪解释先知「荳脑」即系爸爸既「飞氟」甜品，豆腐花，今次又学倒中文啦！爸爸话豆腐花好滑，姜汁又唔会太多，刚刚好，见倒橙色既幼糖粒，对眼直头发哂光呀！
桂花炖雪梨：桂花味清香扑鼻，雪梨腍中带爽，清甜润喉，正好为依顿丰富既晚餐划上完美既句号。屈倒uncle请我黎绿杨邨食好野，意外地重可以欣赏到刀法如神既厨艺，大饱眼福，抵呀抵呀！
张贴
