上海佬蟹莊 (已結業)

之前喺Facebook见到有餐厅做上海菜放题，觉得几新颖，因为我个人几钟意食小笼包。，所以有得任食小笼包，即刻心心眼。上海佬蟹庄位于湾仔，我地有预先book左枱，因为佢都几full，九月book嘅时候已经等到十月，同埋呢个放题只系限星期六日。餐厅门面以红黑做主调，楼上系唱K嘅Red Mr，所以唔知点解一入依间餐厅，我闻到好K房嘅味道。款式方面餐前小碟丶主菜丶饭面丶甜品丶点心丶蔬菜都各有几款嘅选择。讲返食物味道，我期待已久嘅小笼包，非常非常失望，因为佢个小笼包写就写系灌汤小笼包，但系小笼包入面竟然可以一滴汤都冇，而皮又厚，干争争嘅小笼包真系唔好味。比较好味嘅系我觉得炸银丝卷，真系热辣辣即炸，外皮脆脆地好香口，点炼奶一流。其余嘅食物就一般般而已。环境气氛： ★★★☆☆食物质素： ★★☆☆☆服务态度： ★★★★☆