小川滬拉麵小籠包

营业中

休息中

收工去屯门射箭前揾野医肚，今次又系黎屯门雅都楼上既food count，选择够多，今日就试下呢间主打上海野既小店睇下食物质素如何。小店主打卖面食同一般上海小食，有个全日套餐就算几抵，另外都有高力豆沙同酒酿丸子呢类甜品，本身都想试下小笼包但今日1个人食就叫个套餐好了。四川担担面担担面面质偏腍少少，但未去到1夹就断果只，唔够爽口，汤底质地就几浓，面都挂汤，但无乜花生香，都唔算辣，比较淡少少，成个面黎讲比较一般d。乳香鸡中翼鸡皮有少许南乳味唔太浓，鸡翼都唔无话炸得好干，不过都有少许雪味，又系比较一般。招牌生煎包生煎包做得比较好，新鲜煎起够热，底部都煎得金黄少脆，肉馅都算新鲜几厚实，唯独2个包都食到有粒碎骨。豆浆跟餐加5蚊，不过比较淡，豆味同甜味都比较淡。整体黎讲食物就小店黎讲都比较一般啦，无话好好又唔叫好差，食得落，价钱叫做合理。