尚點 小籠包.上海麵館 (元州商場) (已結業)

长沙湾元州商场都好多食店，较为集中，今日参观朋友新居顺路就周围行下～行到饿饿地就试下呢间尚点啦～😊👏地方都几大，同干净～各自点左个一人餐！有前菜、主菜同饮品！😋✔️前菜：蒜香四季豆、凉拌茄子✔️主菜：上海担担面、回锅肉✔️饮品：粟米鱼肚羹、豆浆前菜两款各有惊喜，凉拌茄子够冻，天时暑热一坐低食个冷盘，的确人都精神d，四季豆蒜蓉粒够，又唔会硬崩崩！上海担担面，食到汤底粒粒花生同肉碎，面条细滑，汤底味浓郁香！回锅肉，够惹味，伴有清甜椰菜，不过味道惹味得黎有d过咸，要饮番d水先得！同埋可以选配菜饭/白饭，多个选择！饮品方面都中规中矩，但有粟米羹选择都几特别～另外下单纸上有QR Code，食饱扫一扫，做个简单问券会即时送甜品，桂花糕两件！够硬身～味道有桂花清香～唔太甜！