上海小籠皇

营业中

休息中

返工脑力用尽，夜晚两个人食饭，两个都唔想用脑，食二人餐啦！有汤，小笼包，前菜，主菜，时菜，白饭，甜品。我地拣咗小笼包，鸡丝粉皮，酸菜鱼，蒜蓉炒菜心苗，桂花糕，落单时系到犹疑拣酸辣汤or宋嫂鱼羹，我哋各有喜好，一个唔食酸，一个唔食芹，经理姐姐见我地咁障碍，好好人提议每样一碗，平时要选同一款，今次俾个特别安排，好窝心。首先，黎个热辣辣嘅汤，两款口味浓稠度适中，味度刚好，而且好多材料。鸡丝粉皮正常发挥。小笼包个样一般，不过好多汤汁，真系唔好单凭外表。酸菜鱼份量十足，好多鱼又好多薯粉，好好味，追住黎食，食完一啖又一啖。蒜蓉炒菜心苗，当季菜，好甜好嫩。望住圣诞树食饭，有feel。两个人都好饱好满足，好彩Hold住两个白饭唔好上，饱到两个白饭都食唔落。