夏麵館 (寶石大廈) (已結業)

定期都要带妈咪食吓家乡上海菜，呢间系香港上海菜里面少数我地会翻兜嘅，价钱唔贵又接近原地道风味。天气暖返，最岩食啲凉菜开胃，对眼阔肚窄嘅女士嚟讲呢个凉拌五小拼就乜哂；一次过可以试五款，每样小份又唔怕造成浪费。猪皮水晶冻用上猪腿部分，近乎瘦肉及火腿口感，配合果冻嘅凝胶感，层次丰富，比单食肉来得清爽；鸡丝粉皮麻酱足，入口好香花生味，粉皮薄身唔会乸埋一团。海蜇较一般市面粗身，食起嚟更爽口；麻油香重、醋同豉油比例恰到好处，唔会过咸，好岩我口味。糖醋小排酱汁香甜，够惹味，但骨头占咗七成，中意摞骨嘅会中意啲；烤麸中规中矩，略嫌过油。糖醋鱼块比酒楼好食得多，酸略多于甜，更加醒胃不腻；够厚肉，炸浆脆而不厚，即使兜酱汁煮都唔会淋哂，唔错。炸银丝卷炸得好香口，只系外皮略为煎成焦脆，唔会成旧包索哂油，蘸上炼奶好可口🤤🤤餐厅仲有秋季限定嘅大闸蟹放题，四百几就有得任食蟹！即叫即蒸，见隔离枱两夫妇食咗两三轮（三四十只），目测只只都有三两半至四两重，下次嚟一定要试！