燉 (協成行灣仔中心) (已結業)

今日放lunch约咗朋友 一齐食，佢话公司附近开咗间炖汤店，系食lunch新选择。呢度位置几方便，喺电车路好容易揾到。听讲餐厅系新开张，所以环境唔错，坐位多，空间感足够，坐得舒服。价钱亦算大众化，鱼肚滑鸡蒸饭先29蚊，配埋个汤可以平八元。我拣咗苹果雪梨雪耳炖猪肉，因为天气干燥，皮肤都好好干，有时仲流鼻血，所以就嗌个汤润一润。朋友就叫咗猴头菇螺片炖瘦肉，大家一齐分享试下味。我个汤几清甜，浓郁苹果味同雪梨味，仲有好多雪耳我都食埋，配饭食好够饱，喺附近上班一族嘅健康选择.