鳳城酒家 (干諾道西) (已結業)

身为cheap精一号嘅我又揾到抵食又好食嘅地方食蒸锅！"上环凤城酒家"呢间嘢都系本身主要都系食小菜，但系当我见到个4人份蒸锅都系讲紧5百零蚊除开一个人头都系旧几水左右就即刻开佢对门睇吓件事系点！经理极力推介呢个瑶柱粥底,讲到唔食唔得咁~旧几水食到龙虾龙趸贵妃蚌元贝沙白,仲要样样都仲郁ing。绝对系符合我嘅要求！首先食咗只龙虾先~鲜味弹牙加埋我最钟意嘅蒜蓉再嚟个贵妃蚌！食呢个最憎就系食到沙但系今次竟然系冇沙！可以叫得上惊喜再嚟就系元贝，蒸到啱啱好甜到忍唔住食埋人哋𠮶只龙趸都啖啖肉虽然唔系话好大粒，但系粒粒都冇沙又嘟嘟再另外叫佢个手打墨丸同虾丸劲大粒之余仲好鬼弹牙最后就系传说中嘅不能错过的粥底！又真系好鲜味....明明就饱到已经反晒白眼最后都忍唔住成个粥清晒。