影片
更多
2018-01-18
171 浏览
今晚食饭唔想同人迫，所以上网揾下D楼上西餐厅。今晚黎到位于上环嘅La Postre ，主打西班牙菜。La Postre 岩哂我地呢D唔钟意迫嘅人，唔会好嘈。场内有特色vintage铁皮画装饰，配衬和暖灯光感觉好relax，我地坐系近window位置，仲有小钩仔可以比我挂手袋，够哂细心。至于食物方物面，我地好快就睇中左个西班牙牛仔蚝肉炖饭，我都系第一次食牛肉配蚝嘅主菜，份量系够哂两位食 ，味道就有浓嘅茄汁味，加上大大粒蚝同埋厚切牛肉粒，够哂足料又创新！我系芝士控，所以order左芝士煎蟹饼，用铁板上，浓浓芝士加上蟹钳，好香又有蟹肉食，呢款比较浓味，可以配饭或pasta加白酒的话一齐就最夹啦！另外大食嘅我地叫埋个西班牙手工啤酒炖鸡，原本我想叫黑松露黑毛猪扒可惜卖哂呜...个西班牙手工啤酒炖鸡又系相当大份，鸡肉鲜嫩，配上加入手工啤酒嘅酱汁，淡淡啤酒味，酱汁唔会太咸，我觉得有少少似韩国果款炖鸡，好食！食完饭，当然饮杯野，我叫左个水果茶，又几好饮！好清唔会太甜，仲有好多新鲜水果粒！好解渴！两个人想静静地唔想同人迫，La Postre 真系唔错嘅选择 ，上环附近迫车都容易D！食物质素相当唔错，每
今晚黎到位于上环嘅La Postre ，主打西班牙菜。
La Postre 岩哂我地呢D唔钟意迫嘅人，唔会好嘈。场内有特色vintage铁皮画装饰，配衬和暖灯光感觉好relax，我地坐系近window位置，仲有小钩仔可以比我挂手袋，够哂细心。
至于食物方物面，我地好快就睇中左个西班牙牛仔蚝肉炖饭，我都系第一次食牛肉配蚝嘅主菜，份量系够哂两位食 ，味道就有浓嘅茄汁味，加上大大粒蚝同埋厚切牛肉粒，够哂足料又创新！
我系芝士控，所以order左芝士煎蟹饼，
用铁板上，浓浓芝士加上蟹钳，好香又有蟹肉食，呢款比较浓味，可以配饭或pasta加白酒的话一齐就最夹啦！
另外大食嘅我地叫埋个西班牙手工啤酒炖鸡，原本我想叫黑松露黑毛猪扒可惜卖哂呜...
个西班牙手工啤酒炖鸡又系相当大份，
鸡肉鲜嫩，配上加入手工啤酒嘅酱汁，淡淡啤酒味，酱汁唔会太咸，我觉得有少少似韩国果款炖鸡，好食！
食完饭，当然饮杯野，
我叫左个水果茶，又几好饮！好清唔会太甜，仲有好多新鲜水果粒！好解渴！
两个人想静静地唔想同人迫，
La Postre 真系唔错嘅选择 ，上环附近迫车都容易D！
食物质素相当唔错，每款都好大份够哂足料！唔怕食完好似无食过呀真系！
完左仲有tictac糖送！
张贴