東南亞特色美食

营业中

休息中

次次经过依间东南亚特色美食，都大排长龙，好好奇点解日日都咁多人排队。今日难得早放lunch，同同事试吓依间长龙店，睇吓系咪真系咁值得排⁉️🤤 招牌日本叉烧饭 配特制豉油标榜全港第一间用日本蛋嘅茶记！食落第一啖。哗！啲日本蛋真系超级滑～ 超级浓蛋味～！同平时食开嘅滑蛋饭有好大分别。而叉烧系半肥瘦，肉质好嫩。佢最有心思系个特制豉油，甜味同咸味刚刚好，而且会分开上，可以比食客自己调校份量。蛋，叉烧同豉油三样嘢配合得天衣无缝！超级夹～ 超级出色～ 💛💛💛🤤 鱼香茄子炆伊面依个伊面真系好野味！肉碎同茄子够晒咸香，茄子亦都唔会炆得太淋。伊面落咗少少辣椒吊味，非常之有镬气🔥。好似系酒楼炒出嚟咁，完全超乎茶餐厅嘅水准！好有惊喜！🤗 另外想赞一赞落单𠮶位哥哥仔👍🏻 平时喺中上环食饭，落单都会赶头赶命。但系依位哥哥仔唔催我地不特止，重介绍我哋有咩好食，俾我地慢慢拣。服务态度真系唔错🤣！