雞功房 (世瑛大廈) (已搬遷) 新店位置

有一阵子无过黎，午餐质素依然好高，人流亦依然好多。十二点放饭要即刻冲过黎先食到。到既时候都已经八九成满。餐牌选择以鸡同蟹为主。豉油鸡系好受欢迎，如果迟少少到会卖哂的。我听到附近好多失望既声音😂😂😂。再一次到访当然系要食番我既最爱-客家黄酒鸡汤面。佢有面同米粉拣，我就要左面。一如以往，佢既汤系最惊艳。黄酒鸡汤好浓郁，入面又有元肉红枣，饮完会feel到个人暖暖地，好适合手脚冰冷既女仔。我好少响餐厅会饮食面既汤，不过呢个汤又有益又好味，我系将成碗饮哂。佢既配料都好足。鸡功房唔洗讲都知啲鸡好滑。好特别地佢个面会配一旧桃胶的，几有趣。唯一挑剔系略嫌个面太腍身，小妹偏好Q弹啲既面质。顺便一提，之前试过佢既晚市都几好食。有兴趣记得要book位，因为店铺都几细，先book先得。