榮華南洋冰室

营业中

休息中

虽然上环好多cafe，但系偶然都想试下唔同嘅嘢，所以今日就去咗荣华南洋冰室，餐厅装修都几有特色，所以都几容易揾到。因为实在太热嘅关系，一嚟我哋就嗌左两杯嘢饮，分别系菊花露同埋柑桔蜜，贪佢哋比普通嘢饮健康。菊花露饮落去甜甜哋，饮落觉得消暑。柑桔蜜就相对冇咁甜，而且饮落去仲好浓嘅柑桔味，直头好似用平时屋企人自制嘅柑桔冲。我叫咗个冬阴功牛柳粒金边粉，冬阴功金边粉味道浓郁，见到店主有心思咁落咗好多香料，煮起嚟更加入味，酸度同辣度都平衡得啱啱好。牛柳粒系分开上嘅，炒得非常之有火喉，而且有啲红椒丝、青椒丝、萝卜片同豆卜做配菜。朋友叫咗个冬阴功汤海鲜金边粉，诚意十足，有好多唔同嘅海鲜，包括青口、鱿鱼圈等等，同样地用咗好多香料去煮，唔单止金边粉，就连海鲜都入晒味。