鋿晶館

营业中

休息中

高质平价的酒楼买少见少，呢间之前有朋友介绍过，今日心血来潮，黎咗上环分店饮早茶。 呢度嘅点心大部分都系即叫即整，平日有分早茶同下午茶时段，仲有不同嘅特价优惠组合，想当经济实惠。我地点咗两份”晨早孖宝” 加药膳凤爪同黑松露烧卖2人份，埋单$150有找，超抵食。 蜂巢脆芋角新鲜热辣上台，外层好松化，足料内馅有香菇猪肉，口感丰富，会令人食唔停口。 鲜淮山药膳凤爪 药膳汤用上鲜淮山、党参、圆肉、杞子等材料前一晚开始烹调，鸡脚好入味软冧，汤头香浓唔油腻。 鲜竹牛肉球 加咗好多葱同芫茜嘅弹牙牛肉球，味道层次更丰富。 黑松露烧卖皇 份量不算特别大，以猪肉配上鲜虾嘅QQ烧卖，加上少许黑松露点缀，特别鲜味。 凤爪排骨饭 小小1碗的盅头饭，饭粒软硬适中，凤爪排骨好入味同软嫩。 新疆红枣糕 自家制红枣糕，用上新疆一等大红枣制成，入口啖啖清香枣味，唔太甜，值得一试。