加東叻沙蝦麵

营业中

休息中

work from home 咗一段时间，终于要返工，就揾咗附近既朋友食晏。今次试上环站附近既叻东叻沙。上环站A2出口行过嚟好近，五分钟咗右就到。Lunch时段都几多人，四人枱要搭枱，但中间有块都几厚既玻璃隔开。其实餐牌都唔算特别多选择，今次就试下个香茅猪扒叻沙$73。香茅猪扒系分开用碟上既，都算热辣辣，但肉质唔系特别腍。汤底方面都重椰浆味，有层辣油喺面，但碗面唔辣，味道几浓，算唔错，但啲濑粉有啲碎。朋友叫正宗叻沙$82，汤底其实系一样，但啲𩠌好似有啲少。如果大家经过，都可以试下。但餐厅只收现金，要留意一下。