陳勤記鹵鵝飯店 (已結業)

其实我好钟意食潮州打冷，不过，A姐成日都话打冷好麻甩，又要坐街边，又要队啤酒，佢话佢系淑女，有形象㖞。其实，叹住啤酒，同班friend吹吓水，真系男人的浪漫。但讲真，边个话打冷就一定系大排档？嚟到上环陈勤记卤鹅饭店，有米芝莲嘅推介，坐得够舒服，连A姐都好钟意。卤水鹅1/4上庄唔知你哋钟意上庄定下庄呢？我就钟意够入味又滑嘅下庄脾位，但A姐就钟意啖啖肉嘅上庄胸位，所以我都系就佢食下庄啦。卤水鹅肉每块都索晒卤水汁，每片嘅厚薄适中，皮香肉嫩，而且佢唔会好肥腻，啱晒A姐。而卤水鹅肉之下仲有卤水豆腐，好好味。韭菜鹅红碗鹅红嫩滑， 绝无腥味， 充满卤水香。菜脯肉碎煎蛋菜脯脆卜卜，令到呢个煎蛋食落更有口感。潮州蚝仔泡粥一人份量都唔少，而且粒粒蚝仔都胀卜卜，好饱满！仲有唔少方鱼调味，加多少少胡椒粉就更惹味。