影片
更多
2022-11-28
801 浏览
日の苑西日式外卖专门店 NINOEN Japanese Take-Away Shop📍上环皇后大道中346-348号金煌行地下C舖呢日同朋友去上环行下，行到攰但又无咩餐厅啱食，所以就上网有无咩好介绍。我哋喺OpenRice见到呢间专做日本嘢外卖嘅舖头款式多、价钱又亲民，所以就买咗唔同嘅嘢食当晚餐！因为始终系外卖，我哋唔敢叫鱼生或刺身之类嚟食，所以今次叫嘅大部分都系熟食同炸物！ 💰$22软壳蟹手卷 🦀平时嘅外卖手卷份量都偏细，但见到呢一个手卷就知佢好足料，软壳蟹都俾得唔少，不过始终系外卖，放得耐咗都系会影响个蟹嘅口感，变得淋咗少少，但味道系好OK嘅！ 💰$35蟹籽沙律 🥗咁大兜蟹籽沙律都系$35 ，平到你唔信！除咗有蟹籽同埋青瓜丝，佢仲有一堆生菜垫底，另外仲有一堆蟹柳丝添，捞埋蛋黄沙律酱一齐食，清新得嚟又饱肚，性价比极高！ 💰$38火龙细卷 🍤🍣虽然个名叫细卷，但分量一啲都唔细！其实佢就好似卷咗炸虾嘅加州卷，上面唧嘅咸味蛋黄沙律酱真系画龙点睛！一客火龙细卷足足有八嚿咁多，无论系当正餐食，定系一大班人share嚟食都好啱！ 💰$43滑蛋猪扒饭 🍱用得外卖盒装，本身都对佢无咩期望，虽然佢外貌
📍上环皇后大道中346-348号金煌行地下C舖
呢日同朋友去上环行下，行到攰但又无咩餐厅啱食，所以就上网有无咩好介绍。我哋喺OpenRice见到呢间专做日本嘢外卖嘅舖头款式多、价钱又亲民，所以就买咗唔同嘅嘢食当晚餐！因为始终系外卖，我哋唔敢叫鱼生或刺身之类嚟食，所以今次叫嘅大部分都系熟食同炸物！
[价钱 Price]
💰$22
软壳蟹手卷 🦀
平时嘅外卖手卷份量都偏细，但见到呢一个手卷就知佢好足料，软壳蟹都俾得唔少，不过始终系外卖，放得耐咗都系会影响个蟹嘅口感，变得淋咗少少，但味道系好OK嘅！
[价钱 Price]
💰$35
蟹籽沙律 🥗
咁大兜蟹籽沙律都系$35 ，平到你唔信！除咗有蟹籽同埋青瓜丝，佢仲有一堆生菜垫底，另外仲有一堆蟹柳丝添，捞埋蛋黄沙律酱一齐食，清新得嚟又饱肚，性价比极高！
[价钱 Price]
💰$38
火龙细卷 🍤🍣
虽然个名叫细卷，但分量一啲都唔细！其实佢就好似卷咗炸虾嘅加州卷，上面唧嘅咸味蛋黄沙律酱真系画龙点睛！一客火龙细卷足足有八嚿咁多，无论系当正餐食，定系一大班人share嚟食都好啱！
[价钱 Price]
💰$43
滑蛋猪扒饭 🍱
用得外卖盒装，本身都对佢无咩期望，虽然佢外貌睇落去唔系太吸引，但食落味道都同我喺日本食过嘅滑蛋猪扒饭好似！佢嘅滑蛋好足料，连埋洋葱一齐炒，炸猪扒嘅份量都适中，略嫌炸浆有啲厚身，加埋个盒嘅倒汗水，令佢变得淋身，但如果只系讲味道，佢系一个好食嘅滑蛋猪扒饭！而且佢个饭量好多， 40几蚊就食到咁大盒饭，仲要水准唔差，算好唔话得！
[价钱 Price]
💰$20
紫薯甘栗饼 🍘
Fried Purple Potato & Chestnut Cake
同一般食开嘅日式可乐饼外型睇落去一样，但内馅就比较特别，佢系由粉紫色嘅紫薯蓉做成，仲有啲细细粒嘅甘栗碎粒，食落好有新鲜感，甜而不腻。外脆内软嘅口感好正，味道都系中中挺挺，未到超级好食！
张贴
