影片
更多
2022-09-13
2508 浏览
同闺蜜去完剪发，想揾间舒舒服服嘅中菜馆坐低倾下偈，顺便食餐晚饭。由友人带路，嚟咗上环呢间人气精品点心店「鋿晶馆」。听朋友讲，餐厅系自家制品牌，所有嘅点心都以人手制作，现场即叫即做，新鲜热辣，所以佢每次放假都会同屋企人嚟呢度饮茶。另外呢度嘅师傅亦大有来头，曾任职于日本东京富丽华多年，专为高官达人同明星服务，回港后，喺多间米芝莲酒店同大型连锁酒楼集团做主管，经验丰富，所以食物嘅质素绝对有保证！既然友人系常客，点菜任务当然由她负责。先嚟每人一盅龙虾汤瑶柱烩海皇羹，汤羹用料好丰富，用上龙虾肉、蛋白、瑶柱及菇菌等熬制而成，入口味道非常鲜甜，啖啖滋味。香芒贵妃大虾球：虎虾新鲜又大只，肉质爽弹，外层蛋浆炸得又薄又脆，再配上自家调校嘅芒果沙律酱，味道酸酸甜甜，清新开胃。老爷子半肥不瘦蜜饯叉烧：叉烧嘅肥瘦度啱啱好，望落饱满有光泽，上桌时仍保持新鲜热度，入口既松软又有肉汁，配上甜而不腻嘅蜜糖汁，好惹味。烧汁煎焗海石班头腩煲：班头腩经油镬爆炒，再用砂锅热力焗熟，外层嘅鱼皮被煎至金黄香口，鱼肉滑溜鲜甜，而且最正就系上台后10分钟仍热烘烘，用嚟送饭真系一流！猪润浸苋菜苗：黄沙猪润好滑溜，厚切得嚟又冇渣。苋菜嘅水
同闺蜜去完剪发，想揾间舒舒服服嘅中菜馆坐低倾下偈，顺便食餐晚饭。由友人带路，嚟咗上环呢间人气精品点心店「鋿晶馆」。
听朋友讲，餐厅系自家制品牌，所有嘅点心都以人手制作，现场即叫即做，新鲜热辣，所以佢每次放假都会同屋企人嚟呢度饮茶。
另外呢度嘅师傅亦大有来头，曾任职于日本东京富丽华多年，专为高官达人同明星服务，回港后，喺多间米芝莲酒店同大型连锁酒楼集团做主管，经验丰富，所以食物嘅质素绝对有保证！
既然友人系常客，点菜任务当然由她负责。先嚟每人一盅龙虾汤瑶柱烩海皇羹，汤羹用料好丰富，用上龙虾肉、蛋白、瑶柱及菇菌等熬制而成，入口味道非常鲜甜，啖啖滋味。
香芒贵妃大虾球：虎虾新鲜又大只，肉质爽弹，外层蛋浆炸得又薄又脆，再配上自家调校嘅芒果沙律酱，味道酸酸甜甜，清新开胃。
老爷子半肥不瘦蜜饯叉烧：叉烧嘅肥瘦度啱啱好，望落饱满有光泽，上桌时仍保持新鲜热度，入口既松软又有肉汁，配上甜而不腻嘅蜜糖汁，好惹味。
烧汁煎焗海石班头腩煲：班头腩经油镬爆炒，再用砂锅热力焗熟，外层嘅鱼皮被煎至金黄香口，鱼肉滑溜鲜甜，而且最正就系上台后10分钟仍热烘烘，用嚟送饭真系一流！
猪润浸苋菜苗：黄沙猪润好滑溜，厚切得嚟又冇渣。苋菜嘅水准亦唔错，选料上乘，好明显系只摘取最幼嫩嘅菜苗部分，食落味道好鲜甜，所以很快就畀我哋扫清光！
张贴
