Green Orange

星期四返工时候想食好啲，去咗上环嘅Green Orange食午餐。呢间餐厅环境舒适，静静地啱啱好，仲可以同同事吹水，放松下。佢哋嘅午市套餐有餐汤、沙律、蒜蓉包、主菜同饮品。先嚟南瓜忌廉汤，够晒creamy，而且南瓜味浓，味道唔错。沙律有车厘茄，仲落咗橄榄油，几清新。蒜蓉包好香，牛油味十足。主菜方面，朋友叫咗慢煮北海道带子配芝士柠檬忌廉汁意大利饭，带子同杂菌都偏厚身，好似意大利饭咁吸埋啲忌廉汁，真系好好食。我叫咗香煎盲曹柳伴君度橙酒沙巴翁，盲曹鱼肉结实，鱼皮煎得啱啱好，够香口，配埋香橙、橙酒同沙巴翁酱，味道甜甜地，口感新鲜，炎炎嘅夏天食非常好。