LLB Bistro (已結業)

今日同朋友拣左间系上环新开的餐厅，识我既朋友都知我钟情于All day breakfast不论早午晚都可以吃，好耐无食过喇，今日好开心又可以一尝。午餐配餐汤或沙律，系蕃茄汤配面包，面包可以沾我爱的黑醋和橄榄油，好满足，蕃茄汤好多蕃茄茸又不会太酸。All day breakfast $148 样子都好吸引，味道都好不错，有薯饼、茄汁豆、炒菇、面包、沙律、炒蛋、肠同烟肉；炒蛋上蕃茄有香草味，几好。Grilled Salmon Fillet w/ seared shrimp, Asparagus & Hollandaise sauce $138，烧三文鱼都好香好好食，另外有烧虾、露笋同薯仔，卖相都好得。+$20 叫左个是日甜品，系焦糖炖蛋，烧得好脆，炖蛋味道有点似中式炖蛋，但我好喜欢个星星盘同只充满旅行图案的碟仔。另外同朋友分别+$15 加左coffee lattee 同coffee mocha，我地食完主食先上咖啡，唔会冻晒，又可以慢慢叹，超舒服的weekend。