Why 50 (已結業)

每次行过禧利街都会畀佢地门外嘅壁画吸引，上个月终于同朋友一试，估唔到早几日见到佢地ig话要暂别上环，之后公司附近又少一间环境唔错嘅良心咖啡店，希望喺余下几个星期大家可以多多支持。虽然佢地都系卖toast，但材料配搭上几有心思，相信唔少人都喺ig见过中西合璧嘅Hey Char Siu，不过今日我地就试左另外两款，lunch set 加$15-25可配饮品。🍽 Avo Salsa Tartine见menu 写住Why 50 Signature Dish 梗系要试下，Tartine即系open-faced sandwich， 包上先搽上牛油果蓉，再铺上嫩滑嘅炒蛋、惹味嘅番茄芒果莎莎同我地拣嘅炒蘑菇，视觉上非常满足，唔好睇佢细细件，食落都几饱肚，可惜放上炒蛋令包身较湿，食落时口感较淋。🍽Mr. Cubano呢款系pressed sandwich，馅料有手撕猪肉、火腿同芝士，材料平实但味道有惊喜，面包非常脆身，手撕猪肉唔鞋口，个蜜糖芥末酱系个包嘅精髓，我同朋友都较钟意呢款。☕️Latte/ Cappuccino饮品我地拣左最普通嘅奶啡提提神，latte 嘅拉花好靓，苦味比较出，带少少酸味。