LeeLaksa

营业中

休息中

装修好有异国风情侍应好似唔系本地人，好nice～上菜速度超快！个头落完单，隔咗5分钟都冇就上菜！😱新加坡喇沙米线 $82初初冇留意系米线，食落唔系咁简单，系烟韧又滑身嘅米线！喇沙汤底系香浓嘅椰汁味，面头有虾、鱼片、鱼蛋、芽菜、豆卜，份量好足，豆卜索晒喇沙汤嘅味道，好入味！🤤李派海南鸡饭 $88摆盆好似定食咁，有油饭、冬瓜汤、蘸酱（姜蓉、酸辣酱、酱油）。海南鸡好嫩滑，鸡胸部位都唔柴，鸡皮好爽唔油腻！油饭好香，带少少咸味。香茅青柠荔枝梳打 (跟餐)估唔到系唔甜嘅梳打，好香薄荷味，饮落好fresh！😍香茅橙茶 (跟餐)茶底系红茶，有一块橙，有少少似冻柠茶，加咗一支香茅，冇咗柠檬嘅酸味，味道反而更有层次。😍街头鸡串烧 $68一碟4串，一串有两只手指咁粗。食落似系鸡髀肉，肉质唔干，但又未称得上juicy，好重香茅味。蘸酱唔系沙爹，似系xo酱，但又唔辣，蘸咗令个味再复杂咗。