醋娘子 (已結業)

今日同老婆同埋两位朋友黎到上环永乐街揾嘢食，转到一间招牌几得意嘅醋娘子，咁岩我地四个都食得辣野，就决定入去试吓。我哋叫左几样小菜。首先嚟到嘅系蒜泥白肉，猪肉上面铺满蒜蓉，食落好香好够味，肉质亦都煮得啱啱好，感觉上比谭仔既好食。小笼包系like左facebook专页送既，入面有汤，但皮略嫌厚，可作改善。辣子鸡系我地几位嘅最爱，一摆低已经闻到佢嘅香味，香道隔离枱都忙买过嚟。鸡块大小适中，好过出面一啲上海舖头会比好细快块既鸡粒，味道香口得来唔会太辣，好适合送饭食。因为太入味嘅缘故，我哋最后连啲芹菜都食埋^_^手撕包菜整体合格，若果少啲油少啲辣椒可能会更好。主菜方面有回锅肉炒年糕，好足料好大碟，几个人share就岩晒，炒出来好够镬气，年糕有咬口，罕有地比出面嘅餐厅酒楼整得更好食。另外仲叫咗酸辣粉同阳春面，两碗面都不过不失，同出面食到嘅差唔多，应该都系供应商预先预备好材料直接入货煮成。最后埋单三百零蚊，冇加一，喺上环黎讲算几抵，铺面感觉干净干净，服务态度都唔错，将来经过永乐街应该会再嚟。