無敵家

营业中

休息中

做完正经嘢，准备去食饭。闲日嘅食饭时间，真系好多人，我地都等左好耐先入到去。大部分食客，都系叫定食同拉面 ，不过呢度始终系居酒屋，所以都会叫下其他嘢。睇下餐牌先装修复古，完全系日本居酒屋嘅感觉筑前味噌煮$78睇材料见到有鸡肉、莲藕、萝卜同蒟蒻，日式味噌汤一般偏咸，开头都会担心呢个系咪一样咁咸。不过经过咁多材料之后，只有香味同甜味，唔会好咸，每样材料都炆得好腍。唔知点解，觉得呢个其实系日本家常嘢，不过出面好少地方做，所以非常值得一试。猪软骨拉面$90红烧猪软骨，系呢度其中一款推荐食物。猪软骨煮得好腍，但唔会鞋。有酱油香，配拉面都几正。呢度嘅拉面系曲面，系细个食开嘅味道。芽菜有炒过特别香，都有有紫菜、粟米做配料。一般猪骨汤系白色，呢度颜色清少少，但好够味，再配猪软骨嘅酱油香同油香，味道更丰富。虽然$90无饮品系少贵，但帮衬嘅打工仔都多叫呢款拉面，证明呢个都系一个几好嘅选择。胡麻鸡丝冷面$90材料好丰富，除左鸡丝，仲有蛋丝、紫菜、青瓜、蟹柳、粟米同番茄。冰镇嘅拉面好爽口，捞埋日式芝麻沙律酱，酸酸地，好开胃。用吗呢个冷面，分量系大过上面个拉面架！小计$258加一$25.8总数$284