影片
更多
2022-06-08
195 浏览
自从上次食完印度菜之后，原来我系几钟意食，所以今次朋友话想食印度嘢，毫不犹豫即刻应承今次就放工近近地，拣咗上环Basmati 一间正宗印度餐厅，试吓味道如何🇮🇳地点好方便，上环地铁站一出转过弯就到，餐厅装修非常有印度特色，墙上挂咗好多充满印度色彩嘅画，全部职员当然都是印度人，非常友善，对于唔系好识点餐嘅我哋，都系由店员介绍几款最热门俾我哋👍🏻🫕▪️印度南瓜汤 $ 38 清甜嘅南瓜蓉汤，加咗唔同印度香料，非常浓香Creamy ，仍然食到有南瓜蓉，好好饮🧀▪️酥炸奶酪球 Paneer Pakodas $ 78薄薄既炸桨包住洋葱，青椒，芝士，就咁食已经好好食，一啲都唔会漏，芝士有点像豆腐，好有惊喜，再加埋罗望子酱/ 薄荷酱一齐食，就可以食到不同风味，非常唔错，素食者都啱食🫔▪️千层饼 Paratha $ 34非常酥脆又烟烟韧韧，味道非常香嘅麦味带少少甜味，而且一D都唔油，就咁食或者配咖喱都一样咁好味😋🥖🧀▪️芝士烤饼 Cheese Naan $ 36烤饼中间夹住浓厚既拉丝芝士，非常澎湃，一定要衬热食，非常正，芝士迷一定喜欢🐔▪️香烧春鸡 Tandoori Chicken $ 102必食推介，一上枱
自从上次食完印度菜之后，原来我系几钟意食，所以今次朋友话想食印度嘢，毫不犹豫即刻应承
今次就放工近近地，拣咗上环Basmati 一间正宗印度餐厅，试吓味道如何🇮🇳
地点好方便，上环地铁站一出转过弯就到，餐厅装修非常有印度特色，墙上挂咗好多充满印度色彩嘅画，全部职员当然都是印度人，非常友善，对于唔系好识点餐嘅我哋，都系由店员介绍几款最热门俾我哋👍🏻
🫕▪️印度南瓜汤 $ 38
清甜嘅南瓜蓉汤，加咗唔同印度香料，非常浓香
Creamy ，仍然食到有南瓜蓉，好好饮
🧀▪️酥炸奶酪球 Paneer Pakodas $ 78
薄薄既炸桨包住洋葱，青椒，芝士，就咁食已经好好食，一啲都唔会漏，芝士有点像豆腐，好有惊喜，再加埋罗望子酱/ 薄荷酱一齐食，就可以食到不同风味，非常唔错，素食者都啱食
🫔▪️千层饼 Paratha $ 34
非常酥脆又烟烟韧韧，味道非常香嘅麦味带少少甜味，而且一D都唔油，就咁食或者配咖喱都一样咁好味😋
🥖🧀▪️芝士烤饼 Cheese Naan $ 36
烤饼中间夹住浓厚既拉丝芝士，非常澎湃，一定要衬热食，非常正，芝士迷一定喜欢
🐔▪️香烧春鸡 Tandoori Chicken $ 102
必食推介，一上枱香料味道香到不得了，烤鸡被厚厚既香料包围住，非常入味，鸡肉肉质几滑，好惹味，底部仲有椰菜丝和红萝卜丝沙律
🐤▪️牛油鸡 Butter Chicken $ 92
印度咖喱蕃茄酱汁，好香浓带少少甜，鸡肉用印度牛油和香料腌咗一日，滑到一个点，捞埋酱汁一齐食，真系超级好食，酱汁配烤饼或者饭，味道一流，完全食到停唔到口
🍹▪️Mojito $ 58
店家特别为我哋制作一杯冇酒的Mojito ，超浓郁的薄荷味，青柠加梳打，少少甜，几好饮
☕️▪️Indian Masala Tea $ 29
一直好想试印度香料茶，如果你本身好钟意饮奶茶，你一定会钟意饮，这杯有点像港式奶茶比较少奶，然后加咗印度香料，我冇加糖，带少少甘甘地嘅味道，我好钟意饮🥰🥰
✨这家印度餐厅非常正宗，职员友善，而且价钱非常相宜，推介推介✨
张贴
