影片
更多
2023-06-01
1188 浏览
缘屋 札幌元袓虾汤拉面 ENISHIYA Original Rich Shrimp Broth Ramen📍上环干诺道中168-200号信德中心2楼228-230号舖有一晚约咗朋友喺上环附近见面，我叫佢揾定餐厅先，但似乎喺港澳码头附近都只系得一啲大型连锁店，所以佢就问我有无兴趣试下上一次经过见到嘅拉面店。 对上一次见到嘅时候，我哋喺餐厅门口研究咗好耐，最后决定唔入去食，因为当日我哋唔算太肚饿，惊一人一碗食唔晒好浪费。今次难得再嚟到，我哋拣咗坐吧枱嘅位置，可以望到拉面师傅即叫即煮我哋碗拉面。大家要留意番餐厅系有截单时间，我哋好彩赶得切喺截单之前十几分钟入去，先食到咁正嘅虾汤拉面！我同朋友研究过Menu，二人餐望落好似好抵食，但其实嗌单人餐再散叫拉面更化算，睇吓我哋今晚叫咗啲咩啦。 💰$118セットメニュー２.０🍜☕️呢个一人餐可以拣一款拉面、一款和风料理同饮品，我拣咗味噌虾浓汤拉面配唐扬炸鸡同柠檬柚子蜜。味噌虾浓汤拉面 🍜 Miso Rich Shrimp Broth Ramen呢个人气第一嘅招牌味噌虾浓汤拉面真系无得输，扎榥味噌汤底香浓不在话下，加上浓厚甜虾汤底嘅鲜味，令人一试难忘。拉面
📍上环干诺道中168-200号信德中心2楼228-230号舖
有一晚约咗朋友喺上环附近见面，我叫佢揾定餐厅先，但似乎喺港澳码头附近都只系得一啲大型连锁店，所以佢就问我有无兴趣试下上一次经过见到嘅拉面店。 对上一次见到嘅时候，我哋喺餐厅门口研究咗好耐，最后决定唔入去食，因为当日我哋唔算太肚饿，惊一人一碗食唔晒好浪费。今次难得再嚟到，我哋拣咗坐吧枱嘅位置，可以望到拉面师傅即叫即煮我哋碗拉面。
大家要留意番餐厅系有截单时间，我哋好彩赶得切喺截单之前十几分钟入去，先食到咁正嘅虾汤拉面！我同朋友研究过Menu，二人餐望落好似好抵食，但其实嗌单人餐再散叫拉面更化算，睇吓我哋今晚叫咗啲咩啦。
[价钱 Price]
💰$118
セットメニュー２.０🍜☕️
呢个一人餐可以拣一款拉面、一款和风料理同饮品，我拣咗味噌虾浓汤拉面配唐扬炸鸡同柠檬柚子蜜。
味噌虾浓汤拉面 🍜 Miso Rich Shrimp Broth Ramen
呢个人气第一嘅招牌味噌虾浓汤拉面真系无得输，扎榥味噌汤底香浓不在话下，加上浓厚甜虾汤底嘅鲜味，令人一试难忘。拉面面质较粗身，特别挂汤，食每一啖面都索到好多汤汁。我最钟意啲樱花虾，除咗增加口感之外，亦都令都碗拉面多咗一重虾香味。我拣嘅呢款除咗有一片叉烧，仲有半只半熟蛋、玉米荀同少量大葱。半熟蛋嘅蛋黄香醇，颜色好深好好食。惟一美中不足嘅就系片叉烧，一夹就散，肉味亦唔太鲜，扣咗少少分。
唐扬炸鸡 🐓
炸鸡卖相无话好靓仔，但应该系用鸡脾肉整嘅，所以鸡肉嫩滑多汁，调味亦好足，点少少沙律酱已经好好食，果然日本嘢就系要食唐扬げ！
[价钱 Price]
💰$85
焦香酱油拉面 🍜 Flame Soy Suace Ramen
朋友拣嘅呢款系酱油拉面，师傅收到order之后随即动手烹调，喺炉头度炒啲料头，炒到火光熊熊，不过可惜我捕捉两次都捕捉唔到𠮶幕，所以大家只可以睇到我景住佢背影，哈哈。焦香酱油拉面嘅配料好唔同，佢有本耳、芽菜、洋葱同香葱等。呢款酱油经焦香处理，加埋厚厚嘅油脂，令汤底比一般嘅酱油汤底更香更浓。同样用上较粗身嘅面条，所以挂汤力十足，唔刻意用羹𢳂都享用到香浓嘅酱油汤！
张贴
