細蓉記 (已結業)

寻晚晚餐食左好多野，今朝都仲有饱既感觉，所以今日午餐想食清少少。上环既粥店唔多，多人排队o个间粥品唔错，但坐得唔太舒服，o系openrice揾几揾发现呢间//细蓉记//原来每日都有是日粥，就试下佢。是日靓粥系香芋紫米粥，听落好似系甜品，但其实系咸既。粥底好绵，配料有咸肉、紫米，同埋几粒食落似荔芋既芋头粒。我钟意佢上台o个刻既温度岩岩好，唔会过热要等好耐先有得食。$22黎讲绝对收货。担心唔够饱所以叫埋一笼马拉糕，相信系即叫即蒸，大约等左15-20分钟先到。黑糖味香，唔会太甜，够松软，几好味。我勉强食得哂两样野，系好饱既lunch。lunch都几多人，服务就普普通通啦，叫左几次先有人帮手落单，但呢个价钱唔可以要求太多。