影片
更多
2024-06-18
645 浏览
感受法式 fine dining 情怀，坐低就为我地送上 welcome drink - Sparkling Wine，饮一啖已经开始忘记日头既烦恼，预备心情食呢一餐；无论系服务、氛围、仪式感、同食物质素都值得推荐嘅一间餐厅 — 位于上环嘅 Bacchus Wine & Restaurant➽Parker House / whipped brown butter餐前面包系餐厅自家制，松软口感加上用黑蒜头同日本白鼓油自家调制而成嘅牛油酱，完全感受到餐厅诚意！➽Hamachi / caviar注重仪式感嘅你一定钟意，由职员企你隔离打开金色小盒子，西班牙鲟鱼子x日本油甘鱼做配搭；鱼肉系以味霖、柚子醋同特制酱汁混合，粒粒鱼子酱入口有丰富质感，面层放上紫苏叶同金箔，视觉效果一流。➽Polmard Beef Tartare / Smoked Pike roe脆感十足嘅外皮包住以味噌蒜同干葱整成牛肉他他，再搭配烟熏梭子鱼子，咸鲜味又有他他嘅独有特式口感。 ➽Jerusalem Artichoke Soup入口啖啖都系香浓”坚果”香，系耶路撒冷雅枝竹制成嘅汤，将炸过嘅雅枝竹脆片放系汤中央，同非常 cr
➽Parker House / whipped brown butter
餐前面包系餐厅自家制，松软口感加上用黑蒜头同日本白鼓油自家调制而成嘅牛油酱，完全感受到餐厅诚意！
➽Hamachi / caviar
注重仪式感嘅你一定钟意，由职员企你隔离打开金色小盒子，西班牙鲟鱼子x日本油甘鱼做配搭；鱼肉系以味霖、柚子醋同特制酱汁混合，粒粒鱼子酱入口有丰富质感，面层放上紫苏叶同金箔，视觉效果一流。
➽Polmard Beef Tartare / Smoked Pike roe
脆感十足嘅外皮包住以味噌蒜同干葱整成牛肉他他，再搭配烟熏梭子鱼子，咸鲜味又有他他嘅独有特式口感。
➽Jerusalem Artichoke Soup
入口啖啖都系香浓”坚果”香，系耶路撒冷雅枝竹制成嘅汤，将炸过嘅雅枝竹脆片放系汤中央，同非常 creamy 嘅汤形成强烈对比。
➽Red Snapper / Tomato/ Basel
以牛油、百里香、蒜等将鱼皮煎得脆，令到红䲞鱼变成到焦脆口感，加上黄色蕃茄清汤和绿色罗勒汁，鱼肉捞匀汤汁享用，满足感大升。
➽Kagoshima pork belly / apple
主菜系慢煮鹿儿岛猪腩肉，再煎到微焦，肉质非常细嫩，细尝油香，伴以薯蓉；而酱汁系苹果混合猪骨煮成，微微酸甜可以中和油腻感。
➽A4 Miyazaki / Black olive / Yuzu Kosho
选用 A4 宫崎和牛，中间粉红色肉质，柔软细腻带有丰富牛油香，酱汁用上柚子胡椒、黑橄榄同西米煮成，好一个 fusion style，创意十足。
➽Crab / risotto
以日本七星米作为 risotto 饭底，配以龙虾鲣鱼汁煮成，口感略为绵绵唔会太硬身，加入三文鱼籽，而龙虾汁唔会浓郁到死咸，反而仲可以令到鲣鱼味都可以浮现出嚟。
➽Petit Four
甜点作结尾，有伯爵茶挞、可丽露、巴西可可豆朱古力以及朱古力xEspresso 曲奇，四小件中以伯爵茶栗子蓉挞最有惊喜， 唔系太甜而且出到茶味，整个 memu 可以话系令人享受一个忘忧嘅晚上。
张贴
