影片
更多
2022-02-12
1714 浏览
疫情持续，想食晚餐只能提前一至两个钟进行并完成。有日心血来潮，想试吓种草已久嘅上环名物ABC Kitchen，食后果然觉得名不虚传，每款佳肴都食得出系用心之作❤️餐厅特意铺上红白格餐桌布，为晚餐加添了仪式感。俾大家先睹为快，热辣辣嘅面包外脆内软，面包带烟韧，配合优质嘅较耐融（较优质嘅牛油唔会咁容易喺失温融化）牛油，为餐提高胃口作好准备🤗🧀️🍐蓝芝士啤梨沙律$98。当日餐厅事前告知将会以啤梨代替无花果，食过蓝芝士嘅朋友，都知道芝士味浓同带有咸香，配合蔬菜、焦糖合桃同啤梨，浓淡相宜。🍄是日餐汤为蘑菇汤$33。口感绵滑，喺汤面淋上松露油，务求令汤上台时，食客能够闻到阵阵松露香气。🥰香煎鹅肝伴提子酱$138个人觉得西式餐厅嘅鹅肝，正常情况下都唔会难食得去边，但令我觉得最喜出望外嘅，就系旁边清甜嘅提子酱，刚好能够中和鹅肝嘅油腻感👍🏻👏🏼西班牙烧乳猪配薯蓉和酸椰菜$208一般而言，西式烧乳猪效果有时候系会撞手神，或因人而异（厨师手艺）。火候若然控制得唔够好，烧猪皮就会厚而硬，同中式薄脆烧猪皮嘅效果唔同。带着半信半疑嘅心态点左，结果令人非常欣喜，猪皮炸得非常香脆透彻，同时能够保持猪肉嘅水份，而皱皮酸椰菜
俾大家先睹为快，热辣辣嘅面包外脆内软，面包带烟韧，配合优质嘅较耐融（较优质嘅牛油唔会咁容易喺失温融化）牛油，为餐提高胃口作好准备🤗
🧀️🍐蓝芝士啤梨沙律$98。当日餐厅事前告知将会以啤梨代替无花果，食过蓝芝士嘅朋友，都知道芝士味浓同带有咸香，配合蔬菜、焦糖合桃同啤梨，浓淡相宜。
🍄是日餐汤为蘑菇汤$33。口感绵滑，喺汤面淋上松露油，务求令汤上台时，食客能够闻到阵阵松露香气。🥰
香煎鹅肝伴提子酱$138
个人觉得西式餐厅嘅鹅肝，正常情况下都唔会难食得去边，但令我觉得最喜出望外嘅，就系旁边清甜嘅提子酱，刚好能够中和鹅肝嘅油腻感👍🏻👏🏼
西班牙烧乳猪配薯蓉和酸椰菜$208
一般而言，西式烧乳猪效果有时候系会撞手神，或因人而异（厨师手艺）。火候若然控制得唔够好，烧猪皮就会厚而硬，同中式薄脆烧猪皮嘅效果唔同。带着半信半疑嘅心态点左，结果令人非常欣喜，猪皮炸得非常香脆透彻，同时能够保持猪肉嘅水份，而皱皮酸椰菜配搭同幼滑薯蓉梗系非常出色。so yummy!! 🤤
🐦令人惊艳嘅菜式之一，就系呢款法式千层鸽子批$238，绝对属店内代表菜式！除咗对半切开嘅批之外，厨师精心炮制烟熏鸽腿，控制火候刚刚好，肉质非常鲜嫩。唯一美中不足嘅系只有一边髀，如果两边都比晒就可以同挚爱分享喇🤗😆
同威灵顿牛扒嘅制法相似，法式鸽子千层批喺pastry内用一片椰菜包裹好肉类同内里蔬菜，能锁住肉汁之余，防止油水渗透，影响批皮口感👍🏻
最后甜品为覆盆子疏乎厘$68，以及朱古力心太软$68。疏乎厘巧妙利用莓子带微酸嘅特性，独特嘅香气同味道避免令食客感到过腻，味道非常清新，优秀！👍🏻👍🏻👍🏻而心太软不过不失，系热情果雪糕有惊喜（一开头见到颜色会以为系标配云呢拿雪糕🤣🙊）
疫情大家都唔容易，期望香港会更用心炮制食物嘅餐厅都能够屹立不倒，抵抗疫情嘅洪流，等我哋呢班为食之人能够长食长有！🤗👏🏼👏🏼💪🏼
张贴
