影片
更多
2020-08-15
1790 浏览
星期六我哋去咗上环觅食，经过餐厅留意到佢门口嘅玻璃贴纸，于是就入去试下。不过店员话厨房停咗要三点先再开🙈，所以唯有行过圈再返嚟。果然过多阵就有得食，我哋选择咗坐喺望街景嘅吧枱位，但打卡📸嘅代价就系无入面座位咁凉冷气...。餐厅系半自助形式，谂好咗食乜再去收银处落单，唔驶收加一服务费😊。另外，餐具亦系自己拎。食物方面，餐厅主打咖啡同轻食，如小食、沙律同牛角包等；同时意粉都有几款拣。蟹膏忌廉蟹肉意粉🍝($98)，店员本身话蟹肉无哂要转烟三文鱼，但原来仲有最后一份😛。意粉卖相唔错，份量几多，我最欣赏系意粉煮得够弹牙。但酱汁方面，我略嫌淡咗少少，可以Creamy啲；🦀蟹肉OK，惟蟹膏味唔够香。巴玛火腿芝士牛角包配黑醋沙律菜🥐($48)，睇图以为好大，其实只系正常大小哈哈。牛角包嘅Parma Ham🥓几好食，而牛角包本身个皮嘅质感偏硬、似饼干，而唔系一层层、好酥𠮶种，不过都够脆嘅。饮品方面，由于餐牌张图好吸引嘅关系，我哋叫咗🍑白桃有气梳打($58)同🍇巨峰提子有气梳打($58)，其中一杯因为有嗌到牛角包，所以有得以半价加配。两杯梳打都好大杯，味道唔太甜、几清新，而上面嘅忌廉其实唔落仲好，但为及造
星期六我哋去咗上环觅食，经过餐厅留意到佢门口嘅玻璃贴纸，于是就入去试下。不过店员话厨房停咗要三点先再开🙈，所以唯有行过圈再返嚟。
果然过多阵就有得食，我哋选择咗坐喺望街景嘅吧枱位，但打卡📸嘅代价就系无入面座位咁凉冷气...。
餐厅系半自助形式，谂好咗食乜再去收银处落单，唔驶收加一服务费😊。另外，餐具亦系自己拎。食物方面，餐厅主打咖啡同轻食，如小食、沙律同牛角包等；同时意粉都有几款拣。
蟹膏忌廉蟹肉意粉🍝($98)，店员本身话蟹肉无哂要转烟三文鱼，但原来仲有最后一份😛。意粉卖相唔错，份量几多，我最欣赏系意粉煮得够弹牙。但酱汁方面，我略嫌淡咗少少，可以Creamy啲；🦀蟹肉OK，惟蟹膏味唔够香。
巴玛火腿芝士牛角包配黑醋沙律菜🥐($48)，睇图以为好大，其实只系正常大小哈哈。牛角包嘅Parma Ham🥓几好食，而牛角包本身个皮嘅质感偏硬、似饼干，而唔系一层层、好酥𠮶种，不过都够脆嘅。
饮品方面，由于餐牌张图好吸引嘅关系，我哋叫咗🍑白桃有气梳打($58)同🍇巨峰提子有气梳打($58)，其中一杯因为有嗌到牛角包，所以有得以半价加配。两杯梳打都好大杯，味道唔太甜、几清新，而上面嘅忌廉其实唔落仲好，但为及造型无计；最可爱系只🐱猫猫羹仔。
星期六可以咁悠闲坐下真系好Chill呢😚，但如果太晏，食物可能卖哂，就好似我哋食完嘅时候听到牛角包已经售罄了。
横睇掂睇都知餐厅系一间撑香港人嘅小店啦💛。
总括嚟讲，行经苏杭街的话都可以到小店一试，下午茶餐同小食类价格较为相宜啊👍。
张贴
