棟記飯店

营业中

休息中

三五知己喺星期日嘅夜晚上环揾食，点知上环嘅铺头原来今早就关晒门（九点钟左右啫，使唔使咁早啊？！），唯有上环街市熟食档𠮶度碰吓运气啦，不嬲听人讲市政大厦街市啲熟食档几够镬气几有风味，但我自己从来都唔会想去，因为觉得环境麻麻地，但经过今次一试我完全改观！四条友上去栋记点左咗几个𩠌，第一个椒盐鲜鱿，佢炸得好靓完全金黄色，同埋隔左油，食落爽口，同埋鱿鱼都几鲜味，食得出系新鲜嘅！第二样，西柠鸡，我觉得呢样系最好食嘅，佢个鸡本身个外皮几脆，D柠汁装亦都酸酸甜甜，净系啲柠汁都送两碗白饭呀，绝对要去试一试！鱼香茄子，味道够香，茄子够新鲜，但啲肉碎唔够多。虾酱腐乳炒通菜，啲菜几入味，同埋都够林。整体来讲，呢度嘅菜式够镬气，价钱又平，平均每个小菜都系六十几七十蚊，绝对值得一试。唯一不足嘅系，上菜时间太耐我哋平均每道菜都要等起码15分钟！