影片
更多
2022-04-09
75 浏览
新开业几个月，位于上环嘅铃 · 鮨刃，就算系平日下午都座无虚席，非常之受欢迎啊！餐厅装修奢华，店内仲有闪令令打卡隧道位，享受omakase 之余，仲可以打卡影靓相📸既然出嚟食餐好嘅，我就选择最贵嘅Menu，Early Dinner 时段omakase 富士$1980，其中包括前菜/季节刺身六品/料理旬の寿司十二贯/汁物/甘味，款式超多，慢慢叹足三个钟！✨前菜✨先付三点-蛋 soboro+萤光鱿鱼+炸莲藕片三小款好精致，蛋松由蛋白同埋蛋黄分层形成，炸莲藕片香脆。Amela fruit tomato 之前对呢只来自静冈县嘅水果番茄已经略有听闻🍅果然名不虚传，糖度达到9 度，好甜！✨季节刺身六品✨间八刺身北海道帆立贝-上面洒上竹炭盐，好鲜甜！鳗鱼苗 -春天期间限定嘅鳗鱼苗 ，口感滑溜，本身冇乜味，配酸汁及爽口莲芋，口味清爽开胃～深海池鱼-熟成左三四日，又肥又爽口太刀鱼-配上面豉酱甜甜地好香口北海道细种银雪鱼-好肥美呀！✨料理三品✨合鸭配大葱-甜酱油味道有啲似Sukiyaki汁，合鸭好入味，配上黄芥辣，辣辣地再过瘾啲～金箔鱼子酱拖罗+芥辣泡泡+日本威化饼-最signature既一道菜色❤️拖罗入
既然出嚟食餐好嘅，我就选择最贵嘅Menu，Early Dinner 时段omakase 富士$1980，其中包括前菜/季节刺身六品/料理旬の寿司十二贯/汁物/甘味，款式超多，慢慢叹足三个钟！
✨前菜✨
先付三点-蛋 soboro+萤光鱿鱼+炸莲藕片
三小款好精致，蛋松由蛋白同埋蛋黄分层形成，炸莲藕片香脆。
Amela fruit tomato
之前对呢只来自静冈县嘅水果番茄已经略有听闻🍅果然名不虚传，糖度达到9 度，好甜！
✨季节刺身六品✨
间八刺身
北海道帆立贝-上面洒上竹炭盐，好鲜甜！
鳗鱼苗 -春天期间限定嘅鳗鱼苗 ，口感滑溜，本身冇乜味，配酸汁及爽口莲芋，口味清爽开胃～
深海池鱼-熟成左三四日，又肥又爽口
太刀鱼-配上面豉酱甜甜地好香口
北海道细种银雪鱼-好肥美呀！
✨料理三品✨
合鸭配大葱-甜酱油味道有啲似Sukiyaki汁，合鸭好入味，配上黄芥辣，辣辣地再过瘾啲～
金箔鱼子酱拖罗+芥辣泡泡+日本威化饼-最signature既一道菜色❤️拖罗入口即溶，油香十足，配合威化饼，口感好特别啊！
日本赤鲍鱼+ 日本稻穗-鲍鱼味浓，软硬适中，日本稻穗 用200度炸成爆米花，点上鲍鱼肝酱，好睇又好食😋
昆布大甲海草 出汁-清清地嘅一款汤品。
✨寿司十二件✨
件件都好出色～新鲜又肥美！
伊左目寿司
象拔蚌寿司-爽脆清甜，有少少柠檬芳香
钓的池鱼寿司-肉质紧实，比一般捕鱼得来嘅池鱼更鲜甜
牡丹虾寿司-配无虾头膏，浓郁美味
烟熏间八寿司
赤鯥寿司
大吞拿鱼腩寿司- 油香十足！
马粪海胆寿司-我嘅最爱，入口即溶❤️
新鲜靑鱼寿司
新鲜三文鱼籽寿司 +柚子皮
赤身酱油渍寿司
穴子寿司-渍得甜甜地，口味独特。
面豉汤
甜品🍮
博多草莓+静冈蜜瓜
日本水果真系唔同啲，甜到漏啊！
同朋友仔食足三个钟，好饱好满足～真系非常之值得推介❤️
张贴
