鳴越越式料理

营业中

休息中

上环呢带食晚饭想食得平D选择唔算好多，咁o岩行过见到呢间餐厅比起附近嘅算几平，于是简左来呢间食。呢间餐厅系地库下面，地方几大，座位阔落，坐得好舒服。我叫左个马拉盏芥兰炒猪爽肉配白饭，另外加$10叫左杯越式特饮。金桔青柠梳打原来系分开梳打水同金桔上。将梳打水倒落去个杯之后，同底下嘅金桔一齐搅匀，金桔味好浓，咸咸地又有D甜，几开胃，但青柠味就比金桔盖过，个味唔系太出到。马拉盏芥兰炒猪爽肉配白饭一上台热辣辣，而且好香，炒得好够镬气，个汁好惹味，完全融入芥兰加猪肉里面。芥兰唔老，猪肉好爽口。由于加左好多香料，所以呢个菜比较浓味，配埋白饭食就o岩晒。