Crafty Cow (已結業)

上星期放假，同男朋友行完PMQ，行吓行下俾呢间餐厅既装修吸引左，入到去全部都系外国人，个个都一人一支啤酒，应该系以饮嘢为主嘅餐厅，有啲小食同burger咁。👍呢间餐厅环境既环境同食物质素度都好高，下次经过会再嚟食！我哋叫咗两支特色啤酒，一支系由七种不同植物酿成嘅美国 啤酒，7.77%酒精入口轻微苦涩，适合男士饮用，因比较重口味！👍👍食物方面， side dish薯条亦炸得香脆，分量亦十足！叫咗一个牛油果沙律同一个软壳蟹burger，牛油果沙律略嫌细分左少少，不过牛油果配番茄呢个配搭非常好，好清新！软壳蟹burger原只软壳蟹上，再加啲泡菜系中间，松脆再加上些少微辣，系一个fusion既burger。另外一支系英国嘅香蕉面包味啤酒，个人最钟意呢支，未入口前已嗅到淡淡的香蕉香味，饮落有大麦同香蕉甜味，非常易入口。