殤城逆流 (已結業)

Bookmark左呢间黄店好耐，今次终于同男朋友去试，野食又平又好味，影相仲几靓🥰❀法式顶级牛肩❀有两块岩哂同人share，牛肩煎到七成熟，肉质软腍，牛味浓兼有油脂香。晚市配菜分别有薯条、薯蓉及沙律，都系任食既，好抵食。当中我大推薯条，新鲜即炸好香脆。薯蓉就份量十足，口感绵密。❀法式烤鸭胸❀食过最好食既鸭胸，肉质嫩滑多汁，有少少烟熏味，配上酱汁食落甜甜地咁。❀招牌蛋糕❀柠檬挞卖相几吸晴，有花瓣铺面，望落色彩缤纷，食落酸酸甜甜，好清新。❀简．爱❀玫瑰肉桂Mocha，饮落几香醇，带有玫瑰香味。❀大亨小传❀用红糖、肉桂及五香粉冲调，朱古力味浓郁，香料令味道几有层次，好好饮。