熊拉麵 (蘇杭街)

营业中

休息中

上环打工仔食饭既选择绝对唔算少, 不过我地个个隔一排一定会黎食下先满足。而家虽然已经唔再系呢区返工，但间唔时黎开中上环又谂唔到食咩就一定会谂起佢。地方同其他拉面馆差不多， 都系较窄，不过佢地有个位放外套，枱下有勾挂袋，我觉得已经算系好好，可以轻轻松松食餐饭。职员态度亦好好，个个都主动及笑容满面。面既款式唔算多，不过每次唔同既期间限定食过几次都有惊喜，唔岩心水既就可以叫返正常款式：招牌、黑熊、赤熊、鱼介熊，本人认为每个都各有好食同特式。但自己食拉面就钟意重口味， 所以今次都系会点黑熊拉面 – 黑蒜油，仲要配火炙肥叉烧先最岩我心意！面底份量适中，汤底够浓&杰身，口感好丰富，再加埋烧得岩岩好既叉烧食落有少少脆同油份，真系好好食！！！而店入面既配菜有姜、酸菜、芽菜，我就一定食芽菜，够辣好开胃， 食完个面再食多啖芽菜收尾系最满足。佐敦同上环两间都食过，我都觉得好好食。希望佢地Keep住做Keep住呢个水准，我一定再支持。