影片
更多
2018-10-24
599 浏览
香港人真系好钟意饮茶，由早茶都夜茶，一日之中嘅咩时间都唔介意饮番餐茶。今日我地收工后就一齐去咗饮夜茶。🌿白灼唐生菜 $38一开始以健康嘅白灼唐生菜开始我地哩餐夜茶。要够健康所以我地叫咗走油，由于店内落单个system打得清清楚楚，当然走油冇难度。配上店内嘅公鸡餐具，画面好靓～ (侍应哥哥提我地要咁影架😆) 见到哩间点心茶餐厅同区内另一间好出名但好早收铺嘅茶楼一样有周记二字。当然要比较吓佢地嘅流心西多同埋虾多士啦🤓🧡黄金流心西多士 $38个流心西多士一上枱，我地当然急不及待想解剖佢啦~ 当把餐刀一掂到个西多士嘅面时，已经见到个西多士好似火山包住啲熔岩咁，见住啲流心bulu bulu咁流动，已经令人食指大动！于是我地唔再忍手直接切落去啦！睇相都感受到个流心效果好流！非常流！睇到相都想食多次哩件咁邪恶嘅西多士呀！🍤黑白芝麻虾多士 $38睇得出份虾多士上抬时啱啱炸起，面包松脆，加上虾胶够厚，非常足料。面头嘅黑白芝麻都好多而且黐得好实，唔会一路食一路跌到一地都系，可惜唔系太够香。 当然饮茶不得不叫虾饺烧卖啦！哩度嘅虾饺烧卖有样特别，就系佢特别大，声称粒粒「足三两」。而且佢仲系得一笼3粒，对我地3
🌿白灼唐生菜 $38
白灼唐生菜
$38
15 浏览
0 赞好
0 留言
一开始以健康嘅白灼唐生菜开始我地哩餐夜茶。要够健康所以我地叫咗走油，由于店内落单个system打得清清楚楚，当然走油冇难度。配上店内嘅公鸡餐具，画面好靓～ (侍应哥哥提我地要咁影架😆)
见到哩间点心茶餐厅同区内另一间好出名但好早收铺嘅茶楼一样有周记二字。当然要比较吓佢地嘅流心西多同埋虾多士啦🤓
🧡黄金流心西多士 $38
黄金流心西多士
$38
30 浏览
0 赞好
0 留言
个流心西多士一上枱，我地当然急不及待想解剖佢啦~ 当把餐刀一掂到个西多士嘅面时，已经见到个西多士好似火山包住啲熔岩咁，见住啲流心bulu bulu咁流动，已经令人食指大动！于是我地唔再忍手直接切落去啦！
黄金流心西多士
$38
62 浏览
0 赞好
0 留言
黄金流心西多士
$38
56 浏览
0 赞好
0 留言
睇相都感受到个流心效果好流！非常流！睇到相都想食多次哩件咁邪恶嘅西多士呀！
🍤黑白芝麻虾多士 $38
黑白芝麻虾多士
$38
53 浏览
0 赞好
0 留言
睇得出份虾多士上抬时啱啱炸起，面包松脆，加上虾胶够厚，非常足料。面头嘅黑白芝麻都好多而且黐得好实，唔会一路食一路跌到一地都系，可惜唔系太够香。
当然饮茶不得不叫虾饺烧卖啦！哩度嘅虾饺烧卖有样特别，就系佢特别大，声称粒粒「足三两」。而且佢仲系得一笼3粒，对我地3个嚟讲就啱啱好分得匀了
🦐周记虾饺皇 $38
周记虾饺皇
$38
18 浏览
0 赞好
0 留言
🔥蟹子花枝烧卖皇 $38
蟹子花枝烧卖皇
$38
25 浏览
0 赞好
0 留言
上枱一见，虾饺烧卖果然大大粒，够晒咬口。虾饺咬开见到大大粒虾肉令人好满足；而烧卖入口冇乜肥肉，可见用料唔错～
👵🏼老干妈酱蒸排骨陈村粉 $42
老干妈酱蒸排骨陈村粉
$42
41 浏览
0 赞好
0 留言
本身晚饭时间要就咁食点心食到饱有点难度，所以我地点咗个主食。我地都唔系好食得辣，好彩一问之下知道哩个陈村粉有得叫小辣，于是我地就顺利得到哩个入口唔太辣又够惹味嘅陈村粉。可惜佢好细份
👁细心睇嘅话会发现哩张相入面嘅陈村粉已经捞好，而唔系一上枱就相机食先，原因系因为我地当时努力同流心西多士搏斗紧，侍应哥哥为免我地食嘅时候啲汁已经比底嘅粉索晒，主动出手助我地一臂之力，十分贴心呢！
🕸炸米网春卷 $28
炸米网春卷
$28
42 浏览
0 赞好
0 留言
最后我地仲叫咗个炸米网春卷，不过就冇咩特别，好在都几香口~
整体嚟讲，香港仔周记点心好食，服务又周到，系间值得支持嘅新店呢~
张贴
