Barista Jam (已搬遷) 新店位置

队长自问唔系陈豪级甘识品味咖啡，不过就要每日一啡，最好就多奶泡+炭烧咖啡，次次行过呢间野个咖啡吧都好多人，仲要系全西人，初时以为佢净系饮咖啡，原来都有饱肚既pasta食，于是就揾个TGIF去食。呢到好自助，要自己揾位，同埋原来仲有角楼，如果想食得舒服d，楼上角楼既台会方便进食。果然系咖啡专门店，上到去就有一排柜放满咖啡用品，讲究既咖啡迷不妨睇下有无心头好买返屋企细味咖啡。呢到叫一个meal set（食品+饮品），饮品可以减$10，我地叫左青酱鸡、carbonara、烟三文鱼+车厘茄，如果你好钟意食好creamy、一大pat酱的carbonara，呢到既就干身少少，反而个青酱鸡都几好味，有时唔知系咪d魔师重手左，果阵青酱味古古怪怪，呢到就易入口好多。戏肉我当然要试下个咖啡，队长叫左杯cappuccino，入口好香好滑，咖啡有少少炭烧果种味道，奶泡好厚，好正！至于唔饮咖啡既同事叫左杯朱古力，佢话都好浓朱古力味，唔系普通平价货式。其实如果悠闲d，不妨non-peak hour坐低饮杯咖啡，同咖啡师交换一下咖啡心得。