影片
更多
2024-07-13
250 浏览
约左个中同食饭，佢喺中环番工，正！我又可以顺便开发下港岛区嘅餐厅啦😍我地拣左间近近地，位于上环地铁站附近嘅餐厅，餐厅好有格调，每个角落都有布置装饰，加上灯光柔和配合，好有feel，我自己就好钟意呢一种感觉喇🥰食物方面，小店黎讲选择种类都唔少，有意粉类、意大利饭、Pizza、扒类等等，我地叫左个芝士肉酱千层面同埋红酒烧汁烩羊膝。个芝士肉酱千层面热辣辣，拉丝芝士加上滑嘟嘟嘅千层面，配合埋啖啖嘅肉酱一齐放入口，个感觉真系好满足🤤温提大家记得要用匙食，先做到呢个满足感丫😄红酒烧汁烩羊膝都有惊喜㖞，佢整只羊膝嘅肉都好腍又好入味之余，整只羊膝肉都膻味十足，痴住骨嘅根位更加系精华所在🤤谂番起都流口水🤤同埋喺佢旁边嘅沙律菜好新鲜，垫住羊膝嘅薯茸都好足够，我谂就算大食嘅朋友都可以食得饱👍🏻😁唯一可惜嘅系，本身想试下佢地杯3D咖啡打下卡🤣但系咁啱去𠮶日无，唯有等机会再试啦😆
我地拣左间近近地，位于上环地铁站附近嘅餐厅，餐厅好有格调，每个角落都有布置装饰，加上灯光柔和配合，好有feel，我自己就好钟意呢一种感觉喇🥰
食物方面，小店黎讲选择种类都唔少，有意粉类、意大利饭、Pizza、扒类等等，我地叫左个芝士肉酱千层面同埋红酒烧汁烩羊膝。
个芝士肉酱千层面热辣辣，拉丝芝士加上滑嘟嘟嘅千层面，配合埋啖啖嘅肉酱一齐放入口，个感觉真系好满足🤤温提大家记得要用匙食，先做到呢个满足感丫😄
红酒烧汁烩羊膝都有惊喜㖞，佢整只羊膝嘅肉都好腍又好入味之余，整只羊膝肉都膻味十足，痴住骨嘅根位更加系精华所在🤤谂番起都流口水🤤同埋喺佢旁边嘅沙律菜好新鲜，垫住羊膝嘅薯茸都好足够，我谂就算大食嘅朋友都可以食得饱👍🏻😁
唯一可惜嘅系，本身想试下佢地杯3D咖啡打下卡🤣但系咁啱去𠮶日无，唯有等机会再试啦😆
张贴
