Friday Cafe & Wine Bar

营业中

休息中

上环呢间Cafe & Bar，一入去已经见到好大个酒柜陈列，摆放住形形色色既酒类饮品出售，而另一面墙上面就摆设左以欧美风既时尚设计，仲有好多唔同Marvel figure，睇得出装修好有心思，系一间岩哂打卡既小店💛 轮到食物方面，餐牌上主要以西式食物为主，例如all day breakfast、意粉，沙律等，再配上各款精美咖啡、其他特色饮品～ 今次点选既白酒忌廉蚬肉意粉，蚬肉非常足料，配上香浓既白酒，开胃又好味😋 而鸡肉沙律亦相当大份饱肚，鸡肉唔会干身而且嫩口～ 最后咖啡同饮品方面，由于咖啡师傅放大假，好出名既3D coffee暂时无得供应，但点左冻玫瑰咖啡，味道香甜可口，而绿茶沙冰亦同样清甜解渴，冻饮都好大杯～ 总结整体CP值都好高，成个用餐体验都好满意，会再去帮衬支持！