阿杏飯團 (文咸東街)

营业中

休息中

呢间阿杏饭团我一直都想试，但之前净系喺九龙区先有分店，一直未有机会试到。依家佢喺上环开左分店，对我黎讲好方便，终于有机会可以食！呢排新店优惠，order饭团加奶茶或者清茶就可以有85折，于是我同朋友各自都叫左饭团都野饮。奈良黑椒鸡扒饭团 $38有肉松、菜脯、鸡扒、油炸鬼、生菜同埋沙律酱，材料好丰富，食落口感同味道都一流。鸡扒食落好嫩滑。最重要嘅系呢个饭团用左紫糯米，食落好软糯而又有咬口，配埋香脆嘅油炸鬼好好食。大板海草饭团 $36材料同鸡扒饭团大致差唔多，同样都系有肉松、菜脯、油炸鬼、生菜同埋沙律酱，唔同嘅系鸡扒变左中华沙律，朋友话中华沙律同饭团好夹。黑糖珍珠奶茶 $29奶味好浓，有惊喜，饮落唔会太甜，珍珠唔太韧，食落软糯。椰果四季春 $25清新嘅椰果配上四季春，饮完都唔会太有罪恶感。