影片
更多
2021-06-19
41 浏览
以前系上环返工都知道呢区大部分食店逢星期日都会休息，周日同朋友行完PNQ决定行去上环觅食，系孖沙街就见到呢间cafe & wine bar正在营业中🈺，对于当时饿到癫既我地黎讲，佢既存在简直有如系沙漠🏜️中既绿洲🌴🤩.作为一间wine bar，打开店门就见到左边既酒柜非常吸睛👀 每枝酒樽上面都挂左价钱牌🏷，估计系俾黎呢度用餐🍴既客人可以选择自己感兴趣既酒，即买即开黎饮🍷除此之外，店内亦有唔少颇为昂贵既Marvel模型，估计店主应该系Marvel既忠实粉丝😆.呢度食物既种类都几广泛，沙律🥗、小食🌮、意粉🍝、意大利饭🍛、薄饼🍕、主菜🥩同甜品🧇一应俱全兼且有唔少选择，质素唔错价钱亦唔算好贵🤔食完呢餐之后个人认为呢间cafe & wine bar几值得回头，所以都想推介俾大家一试，特别系呢度既咖啡☕️🤣****************************** ✨ 烟三文鱼凯撒沙律🥗 ($98)沙律菜🥬爽脆鲜甜，事前已经预拌左凯撒沙律酱食落唔会dry，份量仲几大份，岩晒钟意/需要食菜既菜菜子😆主角烟三文鱼🐟既烟熏味浓郁得黎又唔会过于油腻，食完仲有种齿颊留香既感觉🥰另外唔少得既仲有芝士碎🧀、脆烟肉
以前系上环返工都知道呢区大部分食店逢星期日都会休息，周日同朋友行完PNQ决定行去上环觅食，系孖沙街就见到呢间cafe & wine bar正在营业中🈺，对于当时饿到癫既我地黎讲，佢既存在简直有如系沙漠🏜️中既绿洲🌴🤩
.
作为一间wine bar，打开店门就见到左边既酒柜非常吸睛👀 每枝酒樽上面都挂左价钱牌🏷，估计系俾黎呢度用餐🍴既客人可以选择自己感兴趣既酒，即买即开黎饮🍷
除此之外，店内亦有唔少颇为昂贵既Marvel模型，估计店主应该系Marvel既忠实粉丝😆
.呢度食物既种类都几广泛，沙律🥗、小食🌮、意粉🍝、意大利饭🍛、薄饼🍕、主菜🥩同甜品🧇一应俱全兼且有唔少选择，质素唔错价钱亦唔算好贵🤔
食完呢餐之后个人认为呢间cafe & wine bar几值得回头，所以都想推介俾大家一试，特别系呢度既咖啡☕️🤣******************************
✨ 烟三文鱼凯撒沙律🥗 ($98)
沙律菜🥬爽脆鲜甜，事前已经预拌左凯撒沙律酱食落唔会dry，份量仲几大份，岩晒钟意/需要食菜既菜菜子😆主角烟三文鱼🐟既烟熏味浓郁得黎又唔会过于油腻，食完仲有种齿颊留香既感觉🥰
另外唔少得既仲有芝士碎🧀、脆烟肉🥓同面包粒🥖，身为包控既我几欣赏由长法包切成🔪既面包粒，软硬适中唔会食到嘴损，如果可以单买一条法包带走就好啦🤣
-
✨ 英式早餐🍱 ($98)
呢份英式早餐有齐蒜蓉包、薯角、香草肠、炒滑蛋，茄汁豆、火腿片、烟肉、蕃茄、炒杂菇同沙律菜，虽然价钱算不上系好抵食，胜在配料丰富，食材新鲜🤗最深刻既系新鲜炸起既薯角🥔食落外脆内软、蒜蓉包🥖两面都搽左蒜蓉酱🧄令蒜香既味道更为明显(邪恶😈)；不得不提既仲有香草肠🌭 ，肠衣够薄，肉汁丰富，带有香浓既香草味🌿而唔会过咸😋
-
✨ 黑松露野菌意粉🍝 ($88)
有别于坊间大部分黑松露意粉都系以忌廉底为主，呢度既黑松露意粉以黑松露酱清炒，相对会冇咁heavy👍🏻由于黑松露酱非常足料，每一条意粉都能够轻易沾上黑松露酱，所以黑松露独有既个阵香气(俗称gas味🤣)系非常突出🤩
至于意粉既口感都几够弹牙，加埋杂菌、三色彩椒同洋葱等配料，丰富又缤纷🌈-
✨ 玫瑰鲜奶咖啡☕️ (S $42)
系店员捧紧杯咖啡过黎既时候💁🏻♂️离远就闻到芳香扑鼻既咖啡果香，已经加左唔少好感分😍入口既第一啖同样充满惊喜❗️ 奶泡绵密幼滑☁️，玫瑰味🌹明显得黎仲够天然，配合埋餐厅所选用既危地马拉同哥斯达黎加综合咖啡豆既果香，混合后既味道有d似荔枝味，令向来唔钟意饮fruity咖啡豆既我因为呢杯咖啡既味道而不再抗拒🤣 个人认为呢杯咖啡绝对系近几个月以黎饮过最好饮既一杯咖啡😌👍🏻
-
✨ 西柚梳打🍹 ($38)
除左肉眼所见有好多西柚果肉🍊之外，呢杯梳打仲明显饮得出鲜西柚个种苦中带酸而唔系由糖浆沟出黎既死甜味道，天然之余仲够晒清新✨，解腻🤰🏻/消暑🔆一流😌******************************
👧🏻人均消费：$180 (另+10%服务费)
😋味道指数：4/5
💰抵食指数：3.5/5
🪑环境指数：3.8/5
💁🏻♀️服务指数：3.8/5
👍🏻再访指数：3.8/5
-
📍Friday Cafe & Wine Bar
地址：上环孖沙街8-10号金满大厦地舖
⏰营业时间：08:00–22:00 (Mon–Fri)；
11:30–22:00 (Sat)；11:00–19:00 (Sun)
张贴
